LEZHË- Djegia e mbeturinave mbetet ende një fenomen shqetësues në vendin tonë.
Gjatë ditës së sotme pranë lumit Drojë në autostradën Milot-Thumanë iu është vënë flaka mbeturinave të hedhura poshtë urës, duke krijuar vështirësi në qarkullimin e mjeteve si dhe ndotje të ajrit për shkak të smogut e tymit të zi.
Djegia e mbeturinave poshtë urës së lumit Drojë, vijon që prej orëve të para të mëngjesit dhe ende zjarrfikëset e Krujës dhe të Kurbinit, nuk kanë marrë masa për shuarjen e zjarrit.
Ky fenomen është i përsëritur dhe nuk ka gjetur ende zgjidhje nga institucionet e mjedisit.
Komento
