Vaksinimi kundër gripit sezonal ka nisur edhe në Lezhë. Që prej 22 shtatorit, vaksina është vënë në dispozicion në të gjitha qendrat shëndetësore të qytetit dhe të fshatrave.
Interesi i qytetarëve, kryesisht i moshës së tretë, për t’u vaksinuar paraqitet i lartë. Vaksina është një masë efektive për të reduktuar rrezikun e infektimit dhe për të parandaluar komplikimet e mundshme, duke mbrojtur shëndetin e individëve dhe të komunitetit thotë drejtori i Njësisë Vendore të Kujdesit Shëndetësor në Lezhë, Elson Frroku.
Edhe qytetarët shprehen se vaksinimi është një nga masat më të mira për ta përballuar sa më lehtë gripin sezonal.
“Është e domsodoshme, jemi të sëmurë kronikë dhe i parprijmë. Vaksinën e ka bërë edhe vjet”, tha një qytetare.
Deri tani, në Lezhë kanë mbërritur rreth 6 mijë doza vaksinash, të cilat konsiderohen një hap i rëndësishëm për mbrojtjen e shëndetit të komunitetit.
Komente
