Lezhë- Një banesë u përfshi nga flakët e zjarrit në fshatin Markatomaj të Lezhës mbrëmjen e sotme.
Burime policore bënë me dije se vatra e zjarrit ra në njërën nga dhomat e banesës në pronësi të Vasil Kolës, duke shkaktuar dëme të mëdha materiale. Paraprakisht dyshohet për shkëndijë elektrike.
Gazetari i Report TV, Elvis Hila, informon se fatmirësisht pjesëtarët e familjes arritën të dilnin në kohë, por nuk arritën dot që ta shuanin zjarrin. U desh ndërhyrja e forcave zjarrfikëse për të bërë të mundur lokalizimin e vatrës, që të mos përhapej më tej.
Dëmet materiale janë të konsiderueshme, teksa pamjet tregojnë edhe shkallën e tyre dhe efektivët në operacionin e shuarjes.
Komento
Komente
