Një 26-vjeçar është vënë në pranga nga policia e Lezhës, pasi gjatë një konflikti të ndodhur rreth një muaj më parë ai ka plagosur me armë zjarri, një 22-vjeçar.Ndërsa dy bashkëpunëtorët e tij janë vënë nën hetim.
Xhuljano Frroku, është autori i ngjarjes që ndodhi jashtë ambienteve të një bilardoje në Lezhë, mbrëmjen e datës 8 maj 2023, ku pas një konflikti të çastit, ai plagosi me armë zjarri, një 22-vjeçar.
Pas një muaji nga ngjarja, uniformat blu kanë lokalizuar dhe kapur autorin.
Gjithashtu në këtë ngjare janë përfshirë edhe 2 persona të tjerë , të dyshuar si bashkëpunëtorë, ku gjatë këtij konflikti, kanë dhunuar 22-vjeçarin.
Për këtë arsye janë vënë nën hetim Leandro Frroku 29 vjeç dhe Agustin Shahini 27 vjeç, të dy banues në Lezhë.
Materialet procedurale i kaluan Prokurorisë Lezhë, për veprime të mëtejshme.
