Sociologu Gëzim Tushe, i ftuar në Report Tv tha se varësia ndaj drogës është rritur ndjeshëm në vendin tonë, ndërsa theksoi se nga ana tjetër mosha e përdoruesve të saj është ulur, duke filluar nga 12 vjeç.
Sociologu e vuri theksin te rrezikshmëria dhe pasojat e rënda të pakthyeshme të drogës, duke thënë se pavarësisht se zgjidhja duket të jetë rehabilitimi, është një proces i vështirë.
“Varësia nga drogat është rritur shumë, është ulur mosha e përdorimit 12-25 vjec ka filluar përdorimi. Ka një përputhje mes pjekurisë seksuale dhe varësisë nga hashashit, këto të bashkuara sjell pasoja të pariparueshme për adoleshentët. Droga është shumë e rrezikshme. Rehabilitimi është shumë e vështirë, kush e përdor e ka të vështirë të largohet. Edhe kur rehabilitohen, ngelen me pasoja.”, tha ai.
I pyetur nga gazetari Andi Kapxhiu në “Sot Live në Shqipëri” lidhur me legalizimin e kanabis mjekësor , Tushe tha se ka vlera të dobishme dhe do të ishte një “boost” për ekonominë e vendit.
“Vlerat mjekësore të kanabisit janë të dobishme nëse përdoren siç duhet. Puna është a jemi ne gati për një gjë të tillë? Kemi problematik për prodhimin, eksportin dhe përdorimin. Në shkollat 9-vjecare ke spaçator që i shpërndajnë dogratë. Duhet një kufi mes të lejuarës dhe të ndaluarës. E parë nga pikëpamja ekonomike, duket gjë pozitive. Nga ajo sociale...kujtojmë që vendin ynë e ka prodhuar, transportuar në të gjithë botën, kështu njihemi ne”, tha sociologu.
Tushe vuri theksin tek aspekti pozitiv i legalizimit të kanabisit, por nga ana tjetër kujtoi se ne nuk kemi institucionet e duhura për të parandaluar abuzimet.
“Duhet të rregullojmë parandalimin dhe përmirësimin. Nuk kemi institucionet e parandalimit! Garancia kryesore dhe mbrojtja kryesore e fëmijëve vjen nga familja.”, tha ai.
