Një 53-vjeçar në fshatin Floq, është vendosur në pranga nga policia e Librazhdit për shkak se kërcënoi me thikë bashkëfshatarin e tij pasi tentoi ta ndalonte të drejtonte makinën i dehur.
Blutë sekuestruan 2 mjete prerëse (thikë) që gjetën në automjetin e tij si provë materiale.
“U bë kapja dhe arrestimi në flagrancë i shtetasit M. A., 53 vjeç.
Ky shtetas u kap teksa drejtonte automjetin në gjendje të dehur. Gjithashtu, ai dyshohet se duke qenë në të njëjtën gjendje, ka kanosur bashkëfshatarin e tij, shtetasin Y. B., 46 vjeç, i cili ka ndërhyrë që 53-vjeçari të mos e drejtonte automjetin, në gjendje të dehur”, informoi sot policia.
Materialet procedurale iu referuan Prokurorisë Elbasan, për veprime të mëtejshme.
Komento
Komente
