Mjeku shqiptar Pëllumb Pipero ka denoncuar nëpërmjet profilit të tij në Facebook një akt, të cilin ai e quan të dëmshëm për situatën që po kalon vendi për shkak të shpërthimit të koronavirusit.
Mjeku Pipero ka publikuar një mesazh, i cili i kishte shkuar në emrin e tij një personi dhe i kërkonte qytetarit të vetëkarantinohej sepse një i afërmi i tij kishte rezultuar pozitiv ndaj testit të COVID-19.
Pipero paralajmëron se kushdo që tallet me këto mesazhe në emër të tij dhe të kolegëve gjithashtu do të përballet me ligjin.
Mesazhi I plotë i mjekut:
Te Dashur Qytetare!
Sapo lexova nje mesazh te tillë i cili jo vetem nuk eshte dhe nuk mund te jete i imi, dhe si i tille eshte i denueshem, por mbi te gjitha eshte shume i demshem per situaten qe kalon jo vetem vendi yne por gjithe bota nen peshen e nje pandemie shume serioze qe deri tani ka shenuar mijera viktima, dhe per te cilen ende nuk kemi nje arme ne dore per ta luftuar, as medikamente te certifikuara dhe as vaksine.
E vetmja arme qe kemi,eshte ne duart tuaja, te qendroni ne shtepi, te beni durim dhe te respektoni keshillat tona. Mesazhe si ky qe po lexoni jane shume te demshme, madje dhe te denueshme! Keshilloj kedo qe guxon e shkruan ne emrin tim sot, ose te kolegeve te mi neser, te mos luaje kesisoj.
Sot ne kemi perballe coronavirusin dhe duhet te mjekojme te semuret e te gjurmojme e identifikojme rastet e kontaktit, neser ligji do gjurmoje e vere para pergjegjeise te gjithe ata qe guxojne te luajne me jeten e qytetareve!
Faleminderit!
Emrin e marresit te mesazhit e kam fshire!
Komente
Kjo është vepër penale dhe prokuroria duhet të merret me këtë rast. Është momenti të kuptohet njëherë e mirë që këto "lojëra" në çdo vend të Europës ndëshkohen penalisht.
Përgjigju