Demokratët në Dhomën e Përfaqësuesve zgjodhën udhëheqësin e ri të partisë së tyre që është kongresmeni, Hakeem Jeffries, duke e bërë atë ligjvënësin e parë me ngjyrë që drejton njërën nga partitë kryesore në Kongres, raportojnë mediat e huaja.
Jeffries, 52 vjeç, tani pritet të pasojë kryetaren në largim të Dhomës së Përfaqësuesve, Nancy Pelosi, e cila njoftoi dy javë më parë se do të tërhiqej nga lidershipi i Demokratëve përpara mbledhjes së Kongresit të ardhshëm në janar.
Pelosi mbetet gruaja e parë që mbante mantelin e spikeres. Sipas raportimeve të shumta, kandidatura e Jeffries u miratua me aklamacion gjatë një sesioni me dyer të mbyllura në Capitol Hill.
Ai tani do të drejtojë partinë si lider i pakicës së saj pasi humbi kontrollin e Dhomës gjatë zgjedhjeve të mesmandatit më 8 nëntor.
