Gjykata e Shkallës së Parë në Shkodër ka vendosur ditën e sotme masën e sigurisë 'arrest me burg' për shtetasin Barush Bregu. 33-vjeçari u arrestua dy ditë më parë gjatë një aksione të zhvilluar nga FNSH dhe RENEA në zonën e Komunës së Parisit ku jetonte në një shtëpi me qira.
Ai është i dënuar me 4 vite burg për kultivim të bimëve narkotike, e kryer në bashkëpunim në vitin 2016, si dhe me masë sigurie "Arrest në burg", për armëmbajtje pa leje. Gjithashtu Bregu akuzohet prej 8 vitesh se ai është një nga njerëzit kryesorë të vrasjeve për llogarit të grupit Lici. Policia thekson se Barush Bregu është i skeduar si pjesëtar i një grupi kriminal, pa specifikuar emrin, që Report Tv mësoi se bëhet fjalët për grupin e fisit Lici në Shkodër dhe se është i dyshuar edhe si autor për ngjarje të tjera të rënda kriminale të ndodhura në qarkun Shkodër më parë, si dhe autor i dyshuar për “trafikim të lëndëve narkotike".
"Ky shtetas është i dënuar me 4 vite burg për kultivim të bimëve narkotike, e kryer në bashkëpunim, në vitin 2016, si dhe me masë sigurie "Arrest në burg", për armëmbajtje pa leje , pasi në shtator të vitit 2018, gjatë një operacioni të zhvilluar nga Policia, në banesën e këtij shtetasi u gjet një armë zjarri kallashnikov dhe municion luftarak. Gjithashtu ky shtetas është i skeduar si pjesëtar i një grupi kriminal dhe është i dyshuar edhe si autor për ngjarje të tjera të rënda kriminale të ndodhura në qarkun Shkodër më parë, si dhe autor i dyshuar për “Trafikim të lëndëve narkotike", thuhet në njoftimin e policisë.
Komente
