Sipërmarrësi dhe miliarderi amerikan, Elon Musk, shprehu shqetësim serioz për të ardhmen e kontinentit europian për shkak të nivelit të ulët të lindshmërisë.
Në llogarinë e tij në rrjetin social X, biznesmeni reagoi ndaj statistikave alarmante nga Skocia, ku në gjashtëmujorin e parë të vitit 2025 numri i vdekjeve ka tejkaluar lindjet me 34%.
“Nëse norma e lindjeve nuk rikthehet të paktën në nivelin e zëvendësimit, Europa do të shuhet,” – deklaroi Musk në komentin e tij.
Ekspertët theksojnë se për të ruajtur popullsinë, norma e lindshmërisë duhet të jetë të paktën 2.1 fëmijë për grua. Ndërkohë, një pjesë e shkencëtarëve besojnë se për mbijetesë afatgjatë të popullsisë, kjo shifër duhet të jetë edhe më e lartë – rreth 2.7 fëmijë për grua.
Situata aktuale në Europë paraqitet shqetësuese: në Angli dhe vendet e Bashkimit Europian, norma e lindshmërisë ka rënë në 1.4, ndërsa në Skoci është edhe më e ulët – vetëm 1.3, një minimum historik.
Musk, vetë baba i të paktën 14 fëmijëve, mbështet në mënyrë aktive kërkimet në fushën e demografisë, duke dhënë miliona për këtë kauzë. Ai shpesh tërheq vëmendjen e publikut ndaj problemit të rënies së lindshmërisë në Europë dhe është i bindur se kriza demografike përbën “një rrezik shumë më të madh për civilizimin” sesa ndryshimet klimatike.
Sipas të dhënave të OKB-së, prirja globale e uljes së lindshmërisë është vërejtur prej më shumë se gjysmë shekulli. Në vitin 2024, mesatarja globale ishte rreth 2.2 lindje për grua, shumë më poshtë krahasuar me 5 fëmijë në vitet 1970 dhe 3.3 në vitet 1990.
Komente
Po pse te lindin femij per tju pasuruar juve te jene te obliguar te dergohen ne lufte per tju mbrojtur juve une e keshilloj xhdo grua qe mos te bjen dikend ne bote qe nuk eshte i joti por i shtetit pra le te paguan shteti deri me 18 vjet .
PërgjigjuKa shume arsye pse lindshmeria ka arrit ne kete derexhe.Economia,per te rritur femije eshte bere costo e madhe,femnat jane futur karrieres. Pasiguria e çifteve per tu bere me femije per çeshtje economike,estetike, etj.etj etj.Edhe prespectiva duket cope cope,nuk duket drite ne tunel,duhen te nderrohen shume gjera,stili jeteses,mentaliteti etj
PërgjigjuMe ligj rregullohen te gjitha.cdo cift duhet te bej minimumi 2 femije.dde shtetet duhet te ken nje program per ndihme financiare deri ne nje fare moshe.
Përgjigju