Lionel Messi konfirmoi transferimin në MLS te Inter Miami dhe tashmë kanë filluar efektet e para te klubi nga Florida. Klubi nën pronësi të legjendës angleze, David Beckham, ka bërë një goditje të madhe me transferimin e yllit argjentinas teksa efektet e para kanë filluar.
Për debutimin e Messit te Inter Miami duhet të presim deri më 21 korrik, kur kjo skuadër do të presë ekipi meksikan Cruz Azul. Për këtë ndeshje bileta më e lirë ishte 29 dollarë, ndërsa pas konfirmimit të Messit tani kjo biletë kushton 467 dollarë.
Efekti i Messit po vërehet ende pa mbërritur në Miami, pasi kjo rritje e çmimit të biletës është 16-fish më e shtrenjtë. Veç saj, kërkesat për fanellat e Messit janë shtuar, teksa PSG në dy vite përfitoi 130 milionë euro vetëm nga shitjet.
Tanimë nga 1 milionë fansa në instagram, Inter Miami ka shkuar në 4.6 milionë në pak orë pasi Messi konfirmoi kalimin në Florida.
Komente
