Kombëtarja e Argjentinës fitoi Kupën e Botës në "Katar 2022". Ka kaluar më shumë se një vit nga ai sukses, por tashmë problemet në radhët e Albicelestes po dalin në sipërfaqe. Papu Gomez, mesfushori i Monzas dhe Lionel Messi janë përplasur pas fitores ndaj Holandës në gjysmëfinale.
Papu Gomez nuk u ftua asnjëherë për të luajtur për Argjentinën pas Katarit, ndërsa mori një pezullim për doping në Serie A. Gjatë emisionit “A la Tarde” u zbulua se ka qenë vendimi i Messit që Gomez nuk do të vishte më kurrë fanellën e Argjentinës.
Gjithçka ka ndodhur gjatë festës së triumfit ndaj Holandës në gjysmëfinale të Botërorit. “Më jep Antonellën”, i tha Gomez - Messit, gjë që shkaktoi një reagim të furishëm.
"Të gjithë janë të lumtur sepse përparuan, të gjithë në dhomat e zhveshjes fillojnë të këndojnë. Çfarë thotë Alejandro El Papu? 'Dorëzo Antonelën, ma jep'. Imagjinoni sytë lazer të Messit... Karton i kuq i menjëhershëm", u tha në emision.
Kjo gjë e ka mërzitur Messin dhe mediat argjentinase prej ditësh po merren me këtë rast.
