Policia shpërndau një turmë protestuesish pro-palestinezë që ishin mbledhur rreth Malmos aty ku u mbajt finalja e konkursit muzikor të Eurovizionit. Protestuesit valëvitën flamuj nën ritmin e sloganeve "Liri në Palestinë". Disa mbanin në dorë shami palestineze, disa i kishin mbështjellë rreth fytyrave të tyre.
"Duket se ata kanë autoritetin të jenë më agresivë se zakonisht," tha Sarah, një 45-vjeçare banore në Malmo, për AFP, duke iu referuar policisë së qytetit. "Unë kurrë nuk e kam parë këtë më parë."
Policia, e cila konfirmoi se përdori gaz lotsjellës , u përpoq të shtynte protestuesit përsëri në një shesh ku ishte lejuar një tubim pro-palestinez.
“Më hodhën gaz lotsjellës në fytyrë, më shtynë”, tha Sarah Beau, 26 vjeçe për AFP, duke treguar sytë e saj të përgjakur.
Aktivistja e klimës Greta Thunberg ishte mes tyre, dhe megjithëse fillimisht qëndroi larg përleshjeve, më vonë u arrestua .
Pasdite, rreth 5,000 njerëz marshuan në qytet, shumica suedezë me origjinë palestineze, kundër pjesëmarrjes së Izraelit në konkursin muzikor.
