Vazhdon aksioni i lirimit të hapësirave publike. Pasditen e së mërkurës forca të shumta të policisë bashkiake, Policisë së Shtetit dhe IKMT-së “zbarkuan” pranë Stadiumit “Air Albania” në Tiranë. Autoritetet rrethuan me shirita hapësirat ku ishin të vendosura karrige dhe tavolina të lokaleve e restoranteve që ndodhen në katin e parë të godinës.
Report Tv mëson se autoritetet u kërkuan paraprakisht më parë pronarëve të çmontojnë tendat, të heqin tavolinat dhe karriget. Strukturat metalike konsiderohen, ndërtimi i paligjshëm.
Nga ana tjetër, pronarët e lokaleve pranë stadiumit pretendojnë se IMT i ka dërguar një procesverbal një ditë më parë për lirimin e hapësirës, pa asnjë argument konkret. Pronarët pretendojnë se strukturat e ndërtuara i kanë me leje.
Komente
