Berat- Aksioni për lirimin e hapësirave publike pas urdhrit të kryeministrit Edi Rama, ka nisur edhe në qytetin e Beratit nga Bashkia.
Autoritetet vendosë filluan kontrollet në të gjitha bizneset, për problematikën e zaptimit të hapësirave publike dhe trotuareve. Policët bashkiakë, të ndihmuar nga Policia e Shtetit, kanë hequr karriget që kanë mbushur trotuaret, ndërkohë që u kanë lënë detyra bizneseve të heqin pjesët e ngritura me dërrasa.
Inspektoriati i Policisë Bashkiake ka hartuar edhe një plan masash për lirimin e të gjitha hapësirave publike dhe trotuareve, të zaptuara pa leje nga bizneset.
Kontrrollet janë ushtruar sot (11 korrik) në lagjet: "30-Vjetori", "Mangalem" dhe "10 Korriku" dhe veçanërisht në bizneset që shtrihen përgjatë Pedonales së qytetit.
Grupet u kanë lënë detyra bizneseve të heqin pjesët e ngritura me dërrasa, të bëra prej tyre pa lejen e bashkisë. Burime pranë Bashkisë Berat bëjnë me dije se aksioni do të vazhdojë deri në lirimin e plotë të hapësirave publike dhe trotuareve, të zapruara nga bizneset.
Komente
