Tirane- 11 emigrantë afganë të cilët ishin marrë peng për 50 000 euro janë liruar falë një operacioni ndërkombëtar pjesë e të cilës ka qenë dhe policia shqiptare.
Emigrantët mbaheshin të lidhur dhe rriheshin me shkopinj dhe kërcënoheshin me armë nga dy shtetas afganë, të cilët regjistronin videon dhe ua dërgonin familjarëve të viktimave që tu bënin presion për të marrë paratë e kërkuara. Vetëm nëse do të silleshin paratë ata do të liroheshin.
Ishin informacionet e siguruara nga Policia e Shtetit shqiptar dhe të shkëmbyera nëpërmjet Europol, me Policinë malazeze që mundësuan gjetjen dhe lirimin e 11 emigrantëve arabë të marrë peng dhe identifikimin e autorëve.
“Pengmarrësit, emigrantë afganë, 2 prej të cilëve të arrestuar në Mal të Zi, i mbanin pengjet në një territor malor në Mal të Zi, nën kërcënimin e armëve, dhe kërkonin 50 000 euro për t’i liruar. Informacionet u shkëmbyen nëpërmjet Europolit, me partnerët malazezë, të cilët angazhuan shërbimet e tyre policore dhe ushtarake, krehën zonën dhe mundësuan lokalizimin dhe kapjen në Mal të Zi, e 2 prej autorëve të rastit, emigrantë ilegalë nga Afganistani’ informoi sot policia e Shtetit.
Nga hetimet dyshohet se këta dhe dy shtetas të tjerë janë të implikuar dhe në raste të tjera pengmarrjeje në të njëjtën zonë.
Operacioni u kodua ‘Kindnaping’.
S.G/ReportTv.al![](https://www.report-tv.al/template/img/antipiracynote.jpg)