Është përcaktuar programi i Kombëtares së futbollit për grumbullimin e muajit shtator, ku kuqezinjtë do të zhvillojnë një ndeshje miqësore ndaj Gjibraltarit dhe sfidën zyrtare të vlefshme për kualifikueset e Kupës së Botës 2026 ndaj Letonisë.
Shpallja e listës së lojtarëve të grumbulluar nga trajneri Sylvinho do të bëhet më 29 gusht në orën 09:00, ndërsa në të njëjtën ditë, në orën 11:00, do të mbahet konferenca për shtyp e trajnerit në ambientet e “Shtëpisë së Futbollit”.
Seanca e parë stërvitore do të zhvillohet më 1 shtator.
Ndeshja miqësore Gjibraltar - Shqipëri do të luhet më 4 shtator, në stadiumin “Europa Point” në orën 18:00.
Ndërsa ndeshja Shqipëri - Letoni, e vlefshme për kualifikueset e Kupës së Botës 2026, do të zhvillohet më 9 shtator, në stadiumin “Air Albania” në Tiranë, në orën 20:45.
Për herë të parë pjesë e Kombëtares do jetë edhe sulmuesi Cristian Shpendi, që deri tani ka luajur me Shpresat e Alban Bushit.
Programi i Kombëtares
Komente
