Këshilli bashkiak i Durrësit zhvilloi sot një mbledhje të jashtëzakonshme, ku u miratua lista me përfituesit nga programi i grantit për rikonstruksion të banesave të dëmtuara nga tërmeti i 26 nëntorit të vitit të kaluar.
Këshilli vendosi miratimin e dhënies së ndihmës financiare, sipas listës së parë me 6257 subjekte përfitues të programit të grantit për rikonstruksionin ose riparimin e shtëpive individuale ose të banesave në ndërtesa (pallate), të cilat janë klasifikuar si objekte të pabanueshme ose të dëmtuara rëndë apo të dëmtuara lehtë dhe që nuk duhen rindërtuar nga e para, por kanë nevojë për punim rikonstruksioni ose riparime, si pasojë e dëmtimeve nga fatkeqësia natyrore e tërmetit.
Kliko këtu për listën e personave përfitues
Ndërkohë që të gjithë personat që e kanë emrin në listën e personave të pakualifikuar, pasi të informohen me problematikat respektive që janë shënuar në listë, kanë të drejtë të bëjnë ankimim pranë Bashkisë së Durrësit brenda një afati prej 7 ditësh nga dita e shpalljes së vendimit të këshillit bashkiak.
Kliko këtu për listën e personave të pakualifikuar
