Tirana dhe Dinamo Batumi luajnë të enjte në 20:00 në "Air Albania", me ndeshjen që vlen për turin e parë kualifikues në Conference League. UEFA ka zbardhur edhe emrat e futbollistëve që klubet kanë regjistruar për këtë duel, teksa bie në sy se Erhun Obanor nuk do jetë pjesë e Tiranës.
Edhe pse ai u afrua pak javë më parë dhe vijoi stërvitjen me grupin, afrimi i Hoxhallarit ka sjellë një efekt domino, me bardheblutë që ndryshuan mendim dhe nuk i ofruan kontratën. Edhe Besar Iseni nuk do jetë më pjesë e skuadrës, me mbrojtësin që është i dënuar nga FSHF-ja për të luajtur në Shqipëri, pas dhunës në ndeshjen kundër Bylisit në fundin e sezonit të shkuar.
Lista e Tiranës në Conference League:
Portierët: Ilion Lika, Gentian Selmani, Tomas Kiri
Mbrojtësit: Mici, Najdovski, Doka, Përgjoni, Hoxhallari, Ermal Meta, Lulaj
Mesfushorët: Abazaj, Jonuzi, Lushkja, Qefalia, Deliu, Hila, Tola
Sulmuesit: Hasani, Latifi, Haxhiu, Kaina, Nikqi, Ahmetaj
