Në kryeqytet i gjeje në krye të më të votuarve të Partisë Demokratike në procesin e primareve por në listën e Berishës për deputetë më 11 maj Jorida Tabaku, Ilir Alimehmeti, Hysen Kadiu dhe Grigels Muçollari nuk e gjejnë asnjëri emrin mes të sigurtëve të Qarkut Tiranë, të mbushur me besnikë dhe aleatë të liderit.
Më i votuari prej të gjithë Hysen Kadiu u detyrua të tërhiqej nga gara duke folur për shkelje fjale, ndërsa 3 të tjerët do të përballen edhe me njëri-tjetrin e me emra të fuqishëm si Ilir Meta dhe Shpëtim Idrizi në kryeqytet për të marrë ndonjë mandat që aleanca opozitare mund ta kapë në kryeqytet.
E njëjta panoramë thuajse në të gjitha qarqet e tjera, ku shumica e fituesve të primareve ose nuk e kanë parë veten fare në lista, ose janë hedhur në ‘ringun’ e listave të hapura, duke pasur mundësi të vogla për të qenë deputetët e ardhshëm.
Rasti më flagrant, ai i Dashnor Sulës në Elbasan. Deputeti mori më shumë vota se të gjithë mes 22 kandidatëve në primaret e një prej qarqeve më të rëndësishëm të vendit por vetëm pak orë para mbylljes së listave mori vesh që nuk do të ishte fare kandidat. Tha se i kishte dërguar mesazh Berishës por as përgjigje nuk kishte marrë, ndërsa në fund pas 20 viteve deputet i demokratëve vendosi t’i bashkohej një tjetër force politike, Shqipëria Bëhet për të kërkuar vota kundër PD-së në Elbasan.
Në Qarkun e Dibrës Ilir Krosi doli i pari me 578 vota në primaret e PD, teksa rivalja e tij Denisa Vata kishte vetëm 362 vota. Por ndryshe nga Vata që u fut në listën e mbyllur si deputete gati e sigurt, fituesi i primareve nuk e pa veten në asnjërën prej listave, as në atë të hapur.
Një situatë “copy paste” përsëritet në Qarkun e Korçës, ku Fidel Kreka i renditur i treti mes 18 kandidatëve por nga Berisha u përjashtua nga lista e mbyllur, edhe me Spahon që doli i dyti i cili nuk siguroi dot një vend mes 3 kandidatëve të listës së mbyllur.
Në Qarkun e Vlorës Manjola Nikollo ishte ndër më të votuarat nga demokratët në primare, por as emri i saj nuk është fare në listat e firmosura nga Berisha, ku në listë të mbyllur është aleati i grekëve të PBDNJ, Vangjel Dule.
Një tjetër grua, në një tjetër qark, është lënë jashtë listave, edhe pse rezultoi fituese në primaret e 1 marsit. Elisabeta Rredhi ishte gruaja më e votuar nga anëtarët e PD në Fier por kjo nuk mjaftoi, dhe në listat e PD ajo nuk është as në listën e hapur, teksa brenda mandateve të sigurt Partia e Lirisë së Ilir Metës ka dërguar Brunilda Haxhiun.
Pra, publikimi i listave nga Partia Demokratike me 186 emrat për 11 majin, faktoi atë ishte paralajmëruar më herët, se si një proces i brendshëm vote, i nisur si një akt demokracie të zhvlerësohet totalisht.
Komente
Sali hundsqepari nuk o budall por dhelper. Keta qe jane te zote i la ne listen e hapur se e di qe fitojne, kurse lepiresat e tru thartuarit si Vokshi, Noka, Vangjel gabeli, Etj etj e di qe i urren populli dhe i duhet ti fuste ne vend te sigurt. Ndryshe ska me çakenj parlamenti nga PeDe.
PërgjigjuI mbajti deri ne moment te fundit me premtimin se do ishin ne list ne menyre qe te mos largoheshin te nje nga partite e reja. Jorida, Kadiu, Sula dalin vete deputet ne cilendo parti te shkojne. Fajin e kane vete pasi ishin aq fodulla sa besuan nje tropojan. Imagjino te besosh maloket dhe ti kerkosh pastaj llogari malokut perse se mbajte fjalen. Hahahahahaha.
Përgjigju