TIRANË- Mblidhet Kryesia e PS, pas takimeve të Ramës kokë më kokë me drejtuesit politikë të qarqeve. Tre deputetë janë tërhequr nga gara, Nasip Naço në Berat, Klevis Xhoxhi në Elbasan dhe Laert Duraj në Gjirokastër. Burime bëjnë me dije se ish-deputeti demokrat Alban Zeneli i është bashkuar PS në listën e hapur në Kukës.
Më herët është tërhequr edhe Petro Koçi. Të gjithë deputetët që kanë fituar qoftë edhe një mandat nën siglën e PS do të garojnë në listë të hapur, pasi lista e mbyllur do t'iu lihet drejtuesve të qarqeve dhe figurave të reja politike.
“Vula” listës së kandidatëve do t’i jepet në mbledhjen e kryesisë, e më pas do të jenë drejtuesit politikë ata që do të bëjnë publike emrat e kandidatëve për deputetë sipas qarqeve përkatëse.
lajm ne perditesim...
Në prag të dorëzimit të listave pëfundimtare me kandidatë për deputetë për zgjedhjet e 11 majit, Partia Socialiste është përballuar me largimin nga gara, të deputetit Klevis Xhoxhaj.
Burime për Report Tv bëjnë me dije se Xhoxhaj ishte vendisur si kandidat i PS në listën e hapur të saj, në Qarkun Elbasan.
Kryeministri Edi Rama, njëkohësisht kreu i Partisë Socialiste, ka mbërritur në selinë rozë ku do të takohet për herë të fundit me drejtuesit politik të qarqeve me qëllim 'kopsitjen' e listave të kandidatëve për deputetë, në zgjedhjet e 11 majit.
Këto lista do të duhet të dorëzohen në KQZ brenda mesnatës së sotme.
Report Tv mëson se deputeti i PS Nasip Naco nuk do jetë në listën e kandidateve të Beratit, pasi nuk ka pranuar të jetë në listë të hapur.
Edhe deputeti Laert Duraj është tërhequr nga gara dhe nuk do jetë në listën e hapur të Gjirokastrës ndonëse ishte planifikuar.
Ish-deputeti demokrat Alban Zeneli i është bashkuar PS. Burime bëjnë me dije se do të kandidojë nën siglën e PS në listën e hapur në Kukës.
Kryeministri Edi Rama po vijon takimet në selinë rozë me drejtuesit politikë të qarqeve. Report Tv sjell pamjet e momentit kur në selinë rozë futet Niko Peleshi, drejtues politik i qarkut të Korçës.
Komente
ROBT KU TI KESH O EDI RAMA,,,,,,E KENI LENE QYTETIN TIRANEN,,,ZHUL NE TE KATER ANET....KU I KRNI PASTRUESIT......
Përgjigju