At Petraq Simsia duke drejtuar përshpirtjen për Kryepeshkopin Anastas Janullatos
Ndarja nga jeta në moshën 95-vjeçare e Kryepeshkopit të Tiranës, Durrësit dhe gjithë Shqipërisë, Anastas Janullatos, ka pikëlluar gjithë besimtarët ortodoksë.
Për shpirtin e tij, në të gjitha kishat e vendit tonë janë mbajtur shërbime episkopale. Edhe në Katedralen "Shën Dhimitri" në Berat është mbajtur pasditen e sotme ‘Përshpirtja për Anastasin’.
Besimtarët me lotë në sy janë lutur për shpirtin e Kryepeshkopit të ndjerë Anastas dhe kanë ndezur qirinj. Pas përfundimit të Përshpirtjes, At Petraq Simsia, që drejtoi edhe liturgjinë, ka folur rreth vlerave të papërsëritshme të kryepeshkopit Anastas dhe veprave humanitare që ai kreu në vendin tonë.
“Vepra e tij do të mbetet e paharruar”, tha ai ndër të tjera.
Lajmi kryesor:
Besimtarët ortodoksë në lot për Kryepeshkopin Janullatos: Ngriti kishën nga zero! Mesha dhe lutje në mbarë vendin
A.Q/ReportTv.al