Ministrja e Shëndetësisë Albana Koçiu ishte thirrur sot në interpelancë nga PD lidhur me skandalin e Onkologjikut ku mjekët zhvatnin pacientët me tumor dhe i orientonin në klinikat private. Kërkesat për interpelancë janë bërë nga deputeti Arbi Agalliu i grupit Basha dhe një nga PD.
Në fjalën e saj në interpelancën e kërkuar me ministren e Shëndetësisë dhe Mbrojtjes Sociale, Albana Koçiu nga deputetët e opozitës, Gjergji tha se gjatë kësaj jave secili ka kuptuar se imazhi i shëndetësisë falas ra, u shkërmoq. Shëndetësia falas u mund nga kanceri pikërisht aty ku luftohet, tek korridoret dhe dhomat e Onkologjikut”.
“Ironikisht dha shpirt nga metastaza që ka mbërthyer gjithë sistemin shëndetësor, korrupsioni. Pas autopsisë së shëndetësisë falas të gjithë e pamë shkakun e së keqes ishte korrupsioni qeveritar i ministrave dhe ish-ministrave, i drejtorëve dhe ish-drejtorëve , i koordinatorëve patronazhistë e në fund i disa mjekëve bluzën e bardhë të të cilëve e ndot shpesh propaganda politike për të zhvendosur vëmendjen qytetare nga e vërteta e këtij dështimi”, theksoi Gjergji.
Për kryetaren e Komisionit të Shëndetësisë Zheni Gjergji, ministrja duhet të kishte marrë përgjegjësi.
“Shëndetësia falas mbeti utopi për shqiptarët dhe realitet për oligarkët e shëndetësisë që në këto 11 vite mbushën xhepat, u majmën në kurriz të shëndetit dhe jetës së çdo shqiptari. Mendova që do kishte reflektim do kishit kërkuar falje qytetarëve e ndoshta do kishit dhënë dorëheqje”, nënvizoi Gjergji.
Ministrja Albana Koçiu nga ana e saj akuzoi opozitën se po përpiqen ta politizojnë dhe se kushdo që provohet fajtor nuk ka pune as më këtë qeveri e as në këtë familje politike
Kushdo që provohet fajtor, nuk ka më punë me këtë qeveri, as me këtë familje politike. Ky standard vlen edhe për mjekët e vendosur nën akuzë” tha ajo.
Koçiu inkurajoi organet e drejtësisë të hetojnë me zero tolerancë dhe të nxjerrin para përgjegjësisë ligjore çdo individ që është implikuar dhe ka abuzuar me misionin e shenjtë të mjekut në dëm të shëndetit të qytetarëve, me pasoja edhe zhvatjeje për ta.
Ajo shtoi se tentativa për të politizuar ngjarjen, për të futur ndasi dhe diversion mes mjekëve dhe trupës drejtuese të shëndetësisë është një akt i shëmtuar dhe që do të rezultojë i dështuar dhe se “përballë kësaj “kryqëzate politike”, rasti i Onkologjikut nuk mundet kurrsesi të zhbëjë punët që janë kryer në QSUT dhe në të gjithë sistemin tonë shëndetësor”
“Vetëm në QSUT janë realizuar mbi 100 milionë euro investime në këto vite dhe është bërë e mundur që Spitali Onkologjik të jetë shumë më i mirëpajisur dhe i mirëfurnizuar se më parë. Buxheti ynë për kimioterapitë është katërfishuar, duke minimizuar në maksimum rastet e vonesave apo pamundësisë për të ofruar kurim në spitalin publik. Gjithashtu, akseleratorët e rinj, meqë po vihet nën hetim Onkologjiku, kanë bërë diçka të jashtëzakonshme: Kanë shkurtuar listën e pritjes për marrjen e trajtimit me radioterapi nga 3 muaj në kohën tuaj, në dy-tre javë që është edhe periudha optimale e rekomanduar dhe që është që është një kohë pritje më e shkurtër se mesatarja evropiane”, deklaroi ajo.
Në mesin e debateve, ministrja e Shëndetësisë dha lajmin për venien në punë të dy pajisjeve në spitalin Onkologjik, njëra prej tyre, brakiterapia, edhe pjesë e dosjes hetimore të Prokurorisë së Tiranës.
Sa i përket brakiterapisë, kanë ardhur ekspertë e Agjencisë Ndërkombëtare Europiane Atomike të Vjenës të cilët po asistojnë dhe brenda muajit korrik ajo pajisje do të vihet në punë. Gjithashtu edhe ortovoltazhi brenda muajit korrik do të vihet në punë” tha ministrja.
Në sallën e Kuvendit me deputetë të paktë të opozitës, ndërhyrje nga vendi pati deputetja Jorida Tabaku, e pakënaqur nga ajo që dëgjoi në interpelancë.
Më ka thënë Arben Ahmetaj kujdes se bota rrotullohet ju të gjithë keni frikë se vjen SPAK-u ju arreston duke nisur nga ata që hedhin akuzat ndaj opozitës.
Pas masave të sigurisë për 7 persona mbi dosjen Onkologjiku, kryeministri Edi Rama e vlerësoi atë që ka ndodhur, krim kundër njerëzimit, e njoftoi se menaxherë të huaj do të vendosen në QSUT deri në marrjen e autonomisë nga ky spital. Me ndryshimet ligjore asnjë drejtues i çfarëdo rangu në spitalet publike nuk do të punojë në privat, të tjerët vetëm me leje, por nuk duhet të trajtojnë të njëjtin pacientët në shtet e privat.
Komente
JEP DOREHEQJEN MOJ PLEHRE E PAAFTE...
PërgjigjuBravo ministre znj Albana Misra, sa bukur flet per sukseset.
Përgjigju