Superliga shqiptare e futbollit po përgatit raundin e 36-të, ose thënë ndryshe të fundit për sezonin e rregullt. Pesë duelet do luhen të diel në orën 15:30 dhe do përcaktojnë fatet e skuadrave. Veç zonës "Final 4", e cila do përcaktojë skuadrën e mbetur në "finalen" mes Partizanit dhe AF Elbasanit, garë e fortë edhe për mbijetesën.
Tirana, Bylis, Skënderbeu dhe Laçi shohin makthe me rrëzimin nga Superliga, ndërsa llogaritë tregojnë se Tiranës i duhet fitorja në derbin kundër Dinamos për të siguruar zonën play-out, maksimumin që mund të arrijë. Laçi luan kundër Vllaznisë dhe Skënderbeu e Bylis përplasen mes tyre në Korçë. Nëse Tirana ia del të marrë tri pikë, bardheblutë nuk duhet të shohin për rivalët. Skuadra e Bledi Shkëmbit është më e favorizuar se tre skuadrat e tjera, ndërsa Skënderbeu më pak i favorizuar në bazë të ndeshjeve direkte.
Bylisi shpëton direkt nëse fiton ose barazon kundër Skënderbeut. Nëse Bylis humbet në Korçë, shpëton vetëm nëse Laçit dhe Tirana barazojnë ose humbasin.
Skënderbeu shpëton direkt nëse fiton ndeshjen, teksa shkon në play-out nëse humbet, por barazojnë ose humbasin Tirana dhe Laçi. Korçarët shkojnë po në play-out edhe nëse barazojnë vetë, por Tirana dhe Laçi barazojnë ose humbasin.
Laçi ka vetëm një mundësi, shkon në play-out vetëm nëse Skënderbeu humbet ose barazon me Bylis dhe Tirana barazon ose humbet me Dinamon. Më parë tri pikët kundër Vllaznisë nuk duhet t'i diskutojë. Çdo skenar tjetër i rrëzon nga kategoria.
Bilanci i ndeshjeve direkte:
Bylis - 39 pikë
Kundër Tiranës, 2 barazime dhe 2 humbje
Kundër Laçit, 1 fitore dhe 3 barazime
Kundër Skënderbeut, 1 barazim dhe 2 humbje
Skënderbeu - 38 pikë
Kundër Tiranës, 2 barazime dhe 2 humbje
Kundër Laçit, 2 fitore dhe 2 humbje
Kundër Bylisit, 2 fitore dhe 1 barazim
Tirana - 36 pikë
Kundër Bylisit, 2 fitore dhe 2 barazime
Kundër Skënderbeut, 2 fitore dhe 2 barazime
Kundër Laçit, 1 fitorem 2 barazime dhe 1 humbje
Laçi 36 pikë
Kundër Bylisit, 3 barazime dhe 1 humbje
Kundër Skënderbeut, 2 fitore dhe 2 humbje
Kundër Tiranës, 1 fitore, 2 barazime dhe 1 humbje
Superliga, raundi 36-të:
E diel, 27 prill 2025 - 15:30
Dinamo - Tirana
Skënderbeu - Bylis
Teuta - Egnatia
Vllaznia - Laçi
Partizani - AF Elbasani
Renditja:
Komente
Per te realizuar kete mendoj qe ekipi i fundit ne renditje ne superiore te dale direkt dhebekipi i parafundit te beje play off me ekipin e katert te kategorise se pare
PërgjigjuGjithmone kamnqene partizan i idese se kampinoati me 10 skuadra eshte me i miri per kushtet tona..Duke pare qe 3 ekipe te kategorise se pare , Vora , Flamurtari dhe Besa jane ne gjendje per superiore ,mendoj se ka ardhur momenti qe federata ta shikoje skemen me 12 ekipe per kampionatin e ardheshem.
Përgjigju