Në Tiranë një person është arrestuar pasi në lokalin e tij ushtrohet aktiviteti i paligjshmë i lojërave të fatit. Uniformat blu të Komisariatit të Policisë Nr.4 në kryeqytet kanë vënë në pranga në flagrancë shtetasin A.Sh., 43 vjeç, si dhe u referuan materialet për shtetasen S.K., pasi në rrugën “Qemal Stafa” janë gjetur në barin e tij pajisje për ushtrimin e lojërave të fatit.
Policia ka sekuestruar kompjutera në cilësinë e provës materiale.
Policia e Tiranës njofton gjithashtu se ka arrestuar edhe pesë persona të tjerë për vepra të ndryshme penale.
Komento
Komente
