Ish-presidenti i Dinamo Zagrebit, Zdravko Mamiç, është dënuar me 6 vite e 6 muaj burg, me akuzën e mashtrimit në transferimin e Luka Modriç te Tottenham.
Ai akuzohet se ka vjedhur para nga ky transferim dhe jo vetëm, pasi në listë është edhe transferimi i Kovaçiç nga Dinamo Zagrebi tek Inter dhe më pas te Real Madrid.
Në problemet me drejtësinë kroate është përfshirë edhe vetë mesfushori Luka Modriç, i cili ka dhënë dy deklarata në lidhje me këtë çështje, por që deklaratat nuk përkonin me njëra-tjetrën.
Nëse gjykata e vërteton se Modriç ka mashtruar, atëherë ai rrezikon një dënim me 5 vite burg.
Vetë Mamiç është shprehur se ky dënim është dhënë padrejtësisht për të, pasi nuk ka prova që mund ta dënojnë, ndërkohë vetë ai ka udhëtuar drejt Bosnje-Hercegovinës ku mendohet të qëndrojë disa kohë, derisa të qartësohet gjithçka.