Yjet e kinematografisë janë zhvendosur në Londër...po mbahet ceremonia e ndarjes së çmimeve BAFTA 2020.
Ceremonia që paraprin “Oscars” këtë vit mbahet në Royal Albert Hall dhe filmi më i nominuar është amerikan. Bëhet fjalë për Joker që është nominuar plot 11 herë duke e bërë filmin më të vlerësuar të momentit si nga publiku ashtu edhe nga kritikët.
Pas tij me më shumë nominime renditen “The Irishman”, “Once Upon a Time in Hollywood” dhe “Parasite”. Ylli i “Joker”, Joaquin Phoenix është përballë Leonardo DiCaprio, Adam Driver, Taron Egerton dhe Jonathan Pryce për çmimin e aktorit më të mirë.
Të parakalosh në tapetin e kuq përkthehet në orë të tëra punë nga shtëpitë e mëdha të modës për të dizenjuar fustane nga më të veçanta, orë të tëra për të bërë make-up, për të zgjedhur bizhuterinë, e shumë detaje të tjera që ndoshta një njeri i thjeshtë nuk e di. Megjithatë, për Kate Middleton nuk ka qenë aspak e tillë. Dukesha ka marrë të gjithë vëmendjen në ceremoninë e ndarjes së çmimeve, kjo sepse ajo ka guxuar shumë. Kate ka veshur të njëjtin fustan që ka veshur në të njëjtën ceremoni, 8 vite më parë. Asnjë VIP nuk e ka bërë më parë këtë gjë, epo Kate po dhe nuk është hera e parë.
Pjesa më e bukur e një ceremonie ndarjesh çmime është parakalimi në tapetin e kuq, aty ku të gjithë yjet shkëlqejnë...të paktën një pjesë e mirë e tyre. E zeza duket se në ceremoninë e çmimeve BAFTA ka dalë jashtë mode, për t'i lënë vendin ngjyrave të ëmbla dhe fustaneve "normale". Kur themi "normale" nuk është aspak çudi pasi në tapetin e kuq kemi parë GJITHÇKA.
Komente
na palsi bytha
Përgjigju