Një zëdhënës i organizatës terroriste "Shteti Islamik" në një publikim në kanalet e zakonshme të mediave sociale të IS-it është shprehur, se "liderët e të pafeve" kanë derdhur lotë krokodili për viktimat e masakrës në qytetin e Zelandës së Re, Christchurch. Skenat e vrasjes në dy xhamitë i nxisin përkrahësit e IS-it që të hakmerren për fenë dhe vëllezërit e tyre të besimit, ka thënë ky person, i paraqitur si zëdhënës i IS-it. Vërtetësia e mesazit në audio nuk mund të provohet përfundimisht, po ajo u shpërnda në kanalet e njohura të IS-it.
Në sulmin me motive raciste të premten, australiani, Brenton Tarrant vrau 50 vetë në dy xhami, më shumë se 30 të tjerë trajtohen në spitale. 28 vjeçari ekstremist i djathtë, që e filmoi vetë atentatin është akuzuar për vrasje të shumëfishtë dhe duhet të llogarisë me burgim të përjetshëm.
Brenton Tarrant donte të vriste sa më shumë myslimanë
"Merrni hak"
Zëdhënësi i IS-it kërcënoi SHBA dhe aleatët me një rezistencë të re në Siri. "Merrni hak për gjakun e vëllezërve dhe motrave tuaja", u kërkoi ai përkrahësve. Prej disa javësh trupat kurde me mbështetjen e koalicionit kundër IS-it përpiqen të marrin nën kontroll rajonin Baghus. Në bastionin e fundit të IS-it janë të mbledhur disa qindra milicë xhihadistë.
Në fund të shkurtit, presidenti Trump deklaroi, se janë rimarrë "100%" e territoreve të okupuara përkohësisht nga IS-i. Zëdhënësi i IS-it tha se kjo "fitore e sajuar" nuk ka të bëjë me realitetin. /DW
Komente
Isi te ha m.... se po të shikosh statistikat e atyre qe u ka mare jetën, janë më shumë te fesë se vet e bashkekombës te tij se sa te huaj. Vet Isi u ka bere kërdinë njerëzve te tij.
PërgjigjuO ISIS juve jeni terrorristet e vertete ne kete bote..... sa per ate plehren qe vrau njerez te pafajshem ka per te marre nje denim shembullor nga Zoti i Madh..... Vetem ceshtje kohe eshte dhe gjithesejcili do marre ate qe meriton.....
Përgjigju