Lëvizja Socialiste për Integrim deklaroi se pas kërkesës për pamjet filmike nga disa KZAZ, sipas saj nga ana e Komisionerit Shtetëror ka pasur vonesa në vendosjen e tyre në dispozicion. Përmes një deklarate të bërë nga Silva Caka, LSI i bën thirrje Prokurorisë së Posaçme Anti-Korrupsion, të nisë hetimin për arsyen e vonesës së dorëzimit të pamjeve filmike.
“Jemi në këtë konferencë për t’ju bërë me dije se prej disa ditësh i kemi kërkuar Komisionit Shtetëror të Zgjedhjeve pamjet filmike të procesit të numërimit për disa KZAZ, ku janë vërejtur shkelje të rënda, të cilat kanë të bëjnë me tjetërsimin e votës së shqiptarëve. Duam të përmendim faktin se ka patur vonesa në vendosjen në dispozicion të pamjeve filmike për KZAZ-të nr. 66 në Berat, 25 në Shijak dhe 70 në Maliq. Akoma dhe më shumë rëndohet situata për KZAZ-në numër 47 të Elbasanit, ku edhe sot që flasim, ende nuk na janë vënë në dispozicion pamjet filmike të procesit të numërimit. I bëjmë thirrje Prokurorisë së Posaçme Anti-Korrupsion, të nisë menjëherë hetimin për arsyen e vonesës së dorëzimit të pamjeve filmike”, deklaroi Caka.
Komente
shikoni ndonje xhirim nga jala qe te vini ne vete
Përgjigju