Luca Toni, Roberto Baggio dhe Pep Guardiola u ribashkuan në Brescia, qyteti ku ishin bashkëlojtarë. Guardiola ishte në Itali për të marrë pjesë në programin “Che Tempo che Fa”, ndaj përfitoi nga rasti për të takuar ish-kolegët e tij në një restorant në qendër të qytetit.
Ish-sulmuesi i Bayern Munich dhe Veronas, Luca Toni ndër të tjera ndau edhe një moment të vogël në rrjetet sociale, duke bërë shaka me trajnerin katalanas.
“E rrënove futbollin me ‘9-ç fals’, katër vite nuk gjeta dot ekip prej teje. A mund të thuash sot se e bëre këtë vetëm për Messin?”, tha Toni.
Mes të qeshurave, Guardiola iu përgjigj. "Më pëlqejnë qendërsulmuesit, Haaland ka shënuar 60 gola”. Sidoqoftë, ata duhet të jenë të mirë".
Komento
