Duke lënë pas dhjetëra misione vëzhgimi dhe qindra orë fluturime mbi zonat e dyshuara për mbjellje kanabisi, Guardia di Finanza mbylli misionin disa mujor në Shqipëri. Nga nisja e pranverës deri në mes të shtatorit, Guardia di Finanza kreu 185 orë fluturim me 63 misione. Oficerët u përcollën në Rinas nga ministri i Brendshëm, Taulant Balla dhe ambasadori italian në Tianë, Fabrizio Buçi. Përveç mirënjohjes, Balla shprehu edhe rëndësinë që pati misioni i GdF në vendin tonë.
‘Në emër të qeverisë shqiptare, dëshiroj të shpreh të gjithë mirënjohjen time për të gjithë oficerët e Guardia di Finanza për angazhimin e tyre të vazhdueshëm ndër vite në mbështetje të forcave tona të Policisë dhe në favor të popullatës shqiptare. Sot jemi këtu në Rinas me rastin e largimit tuaj në përfundim të Fushatës së Monitorimit nga Ajri 2023, e cila numëroi 185 orë fluturim, 63 misione fluturimi, nga veriu në jug.’- tha Balla.
Ambasadori Bucci, në ceremoninë e përcjelljes në Rinas kishte edhe një mesazh.
‘Mesazhi që duam të japim sot është që lufta e përbashkët kundër kriminalitetit dhe trafikimit të narkotikëve vazhdon deri në fitoren përfundimtare.’- tha ambasadori Bucci.
Ministri i Brendshëm u ndal edhe te megaoperacioni “Tempulli”, i ndërmarrë për luftimin e fenomenit të drogës në shkolla.
‘Ne e nisëm qëllimisht aksionin tonë nga shkollat, për t'i bërë të sigurta subjektet më vulnerabël: për t'i mbajtur larg rrezikut të përdorimit të drogës dhe varësisë, por edhe për t'u dërguar mesazhin atyre dhe familjeve të tyre se shteti është prezent me të gjithë forcën e saj dhe se duhet të kenë besim tek institucionet tona.’- u shpreh Balla.
Përgjatë operacioneve nga veriu në jug, Policia e Shtetit, e ndihmuar nga Guardia di Finanza, identifikoi e asgjësoi rreth 300 mijë rrënjë kanabis sativa më me shumë se 200 autorë të identifikuar, 111 të arrestuar, 63 në kërkim dhe 29 me masë sigurie jo me burg.
Komente
Dhe vazot e enzes kta nga helikopteri i pane
PërgjigjuJemi kthyer ne koloni te pipinove , guardia di finanza kontrollon vendin nga deti , ajri dhe toka plus keta finanzieret dalin ne qytetet tona te armatosur qe do te thote skemi sovranitet vk
PërgjigjuKur nuk i ben detyrat e shtepise ti vete, do vije te ti beje komshiu sepse te do te miren ty por me teper ja do vetvetes.