Washington D.C - Shtëpia e Bardhë i ka caktuar një rol kyç Shqipërisë në luftë kundër kërcënimeve kibernetike dhe Shtëpia e Bardhë në projektin për Parandalimin e Ransomëare, që njihet ndryshe si zhvatje përmes internetit.
Në Samitin e Katërt Global për Parandalimin e Ransomware, Shtëpia e Bardhe vleresoi Shqipërinë për udheheqjen e projektit që synon rregullimin e aseteve virtuale dhe prishjen e ekosistemit të pagesave që fuqizojnë këtë industri të rrezikshme.
“Shqipëria udhëhoqi një projekt për të përmirësuar zbatimin e Rekomandimit 15 të Task Forcës së Veprimit Financiar mbi rregullimin e aseteve virtuale dhe ofruesve të shërbimeve të lidhura me to, i cili do të ndihmojë në frenimin e fluksit të paligjshëm të fondeve dhe prishjen e ekosistemit të pagesave që nxit industrinë e ransomware,” thuhet në deklaratën e Shtëpisë së Bardhë.
Shqipëria, përmes kësaj nisme, ka treguar përkushtim të thellë në bashkëpunimin ndërkombëtar për të përballuar sfidat kibernetike të shekullit të 21-të.
Projekt ka të bëjë me zbatimin e Rekomandimit 15 të Task Forcës për Veprimin Financiar (FATF), me synimin për të forcuar rregullimin e aseteve virtuale dhe shërbimeve të lidhura, për të ndalur fluksin e paligjshëm të fondeve që mbështesin industrinë e ransomëare-it.
Samiti
Shtetet e Bashkuara të Amerikës krijuan një fond të ri që do të forcojë aftësitë e anëtarëve për sigurinë kibernetike, si nëpërmjet ndihmës së shpejtë në vazhdën e një sulmi kibernetik, ashtu edhe mbështetjes së synuar për të përmirësuar aftësitë, politikat dhe procedurat e reagimit të sigurisë kibernetike.
Administrata Biden-Harris mbetet e përkushtuar për të nxitur partneritetet ndërkombëtare për të luftuar këtë plagë globale të ransomware. Këtë javë, Shtëpia e Bardhë mblodhi Iniciativën Ndërkombëtare kundër Ransomware (CRI) për takimin e saj të katërt në Uashington, D.C. Gjatë ngjarjes katër-ditore, gati shtatëdhjetë anëtarët e Iniciativës diskutuan metodat për të luftuar sulmet e ransomware në industrinë e kujdesit shëndetësor, bashkëpunimin me siguruesit kibernetikë dhe industrisw private për të reduktuar pagesat e ransomware dhe për të rritur raportimin e incidenteve, sigurinë e infrastrukturës sonë kritike dhe Internetin e Gjërave (IoT), përpjekjet për të rritur kapacitetin dhe aftësitë e reagimit ndaj incidenteve të anëtarëve dhe praktikat më të mira për të kundërshtuar rrjedhën e parave përmes virtuale asete që motivojnë aktorët e ransomware.
Samiti Global për Parandalimin e Ransomëare u bëri thirrje anëtarëve t'i bashkohen një deklarate që bën thirrje për sjellje të përgjegjshme në hapësirën kibernetike dhe inkurajon anëtarët të bëjnë përgjegjës sulmuesit dhe t'u mohojnë atyre një strehë të sigurt duke përdorur të gjitha mjetet e diplomacisë kibernetike dhe të zbatimit të ligjit në dispozicion të tyre. Gjatë samitit ju kushtua rëndësi ekzaminimit të përdorimit të Inteligjencës artificiale për të luftuar sulmet kibernetike, kryesisht për të gjurmuar aktorët e kërcënimit dhe për të luftuar dezinformimin.
Përmes sulmeve të tilla kibernetike, të njohura si “ransomware”, hakerët marrin nën kontroll kompjuterin, ose rrjetin kompjuterik të viktimës, e bllokojnë atë dhe më pas kërkojnë pagesa në këmbim të çbllokimit të kompjuterit, ose rrjetit të kompjuterave.
