Mbrojtja kundërajrore ruse rrëzoi sot një dron në Shën Petersburg, shkruajnë mediat lokale në Rusi.
Sipas agjencive të lajmeve ky sulm nuk përbënte ndonjë kërcënim për popullsinë. Fillimisht u raportua për një ndërprerje të shkurtër të energjisë elektrike në një nga lagjet e Shën Petersburgut që përkon me rrëzimin e një droni armik.
Po ashtu Ministria e Mbrojtjes ruse tha se mbrëmë janë përgjuar 16 pajisje pa pilot në tre rajone.
Ndërkohë forcat mbrojtëse ukrainase kanë raportuar se gjatë natës ushtarët rusë lëshuan një breshëri prej 6 raketash dhe 98 dronësh kamikaze në vend
“Katër raketa të drejtuara X-59/69 u rrëzuan dhe shumica e disa prej dronëve u shkatërruan. Mbrojtja ajrore e Ukrainës rrëzoi 42 mjete ajrore pa pilot në rajonet e Odessa, Sumy, Cherkasy, Kiev, Kirovohrad, Chernihiv, Poltava, Mykolaiv dhe Kherson”, shkruajnë në Telegram Forcat ajrore të Kievit.
