Houthi njoftuan se kanë realizuar dy operacione ushtarake kundër anijeve luftarake amerikane në Detin e Kuq dhe në Detin Arabik, të cilat, sipas një zëdhënësi ushtarak të grupit, Yahya Sarea, kanë zgjatur tetë orë.
Në operacionin e parë është sulmuar aeroplanmbajtësja amerikane Abraham Lincoln në Detin Arabik me disa raketa dhe dronë, ndërsa në operacionin e dytë, grupi jemenas ka lëshuar raketa dhe dronë kundër dy anijeve luftarake amerikane në Detin e Kuq.
Kush janë Houthis?
Lëvizja Houthi, e njohur gjithashtu si Ansarallah (Përkrahësit e Zotit), është njëra anë e luftës civile në Jemen që ka shpërthyer për gati një dekadë. Ajo u shfaq në vitet 1990, kur udhëheqësi i saj, Hussein al-Houthi, nisi "Rininë Besimtare", një lëvizje ringjalljeje fetare për një nënsekt shekullor të Islamit Shiit të quajtur Zaidizëm.
Zaidët sunduan Jemenin për shekuj, por u margjinalizuan nën regjimin sunit që erdhi në pushtet pas luftës civile të vitit 1962. Lëvizja e Al-Houthi u themelua për të përfaqësuar Zaidët dhe për t'i rezistuar sunnizmit radikal, veçanërisht ideve vehabiste nga Arabia Saudite. Ndjekësit e tij më të afërt u bënë të njohur si Houthis.
Sa i përket luftës në Rripin e Gazës, Izraeli kreu një sulm të ri mëngjesin e sotëm (12 Nëntor 2024). Raportimet bëjnë me dije se kanë mbetur të vrarë 16 palestinezë.
Bombardimet izraelite goditën ndërtesat e banimit në qytetin e Gazës dhe Beit Hanun, në veri të Rripit.
Këto sulme thellojnë edhe më tej bilancin e kësaj lufte. Ndërkohë ministri i Mbrojtjes së Izraelit, Katz i ka dërguar një mesazh Iranit nga ana tjetër duke theksuar se Izraeli i ka të gjitha mundësitë të eliminojë çdo kërcënim ekzistencial që mund ti bëhet.
Sakaq ai shton se ‘Irani është më i ekspozuar se kurrë ndaj sulmeve në objektet e tij bërthamore.
"Do të ketë pasoja për këtë sulm të pamatur." Këtë e tha zëdhënësi i Pentagonit, Gjenerali Pat Ryder, duke komentuar sulmin e Houthi-ve ndaj aeroplanmbajtëses amerikane Lincoln në Detin Arabik dhe në dy anije të tjera në Detin e Kuq.
Mike Huckabee dhe Donald Trump
Donald Trump ka emëruar ish-guvernatorin e Arkansas, Mike Huckabee, si ambasador në Izrael.
“Ai do të punojë pa u lodhur për të sjellë paqen në Lindjen e Mesme”, tha Trump në një deklaratë.
Houthi njoftuan se kanë realizuar dy operacione ushtarake kundër anijeve luftarake amerikane në Detin e Kuq dhe në Detin Arabik, të cilat, sipas një zëdhënësi ushtarak të grupit, Yahya Sarea, kanë zgjatur tetë orë.
Në operacionin e parë është sulmuar aeroplanmbajtësja amerikane Abraham Lincoln në Detin Arabik me disa raketa dhe dronë, ndërsa në operacionin e dytë, grupi jemenas ka lëshuar raketa dhe dronë kundër dy anijeve luftarake amerikane në Detin e Kuq.
Komente
