Të paktën 11 persona u vranë gjatë një sulmi ajror izraelit në një shkollë ku strehoheshin palestinezët e zhvendosur në Gaza. Lajmin e kanë bërë të ditur zyrtarët shëndetësorë, shkruan Guardian.
Sulmi kishte në shënjestër "një dhomë të përdorur nga policia". Ushtria izraelite thotë se shënjestroi "terroristët e Hamasit që vepronin nga një qendër kontrolli në një zonë që dikur ishte shkolla Safed".
Lajm në përditësim…
Foto: Benjamin Netanyahu
Hamasi thotë se gjashtë pengjet izraelitë që u gjetën të vdekur në Rripin jugor të Gazës do të ishin ende gjallë nëse Izraeli do të kishte rënë dakord për një marrëveshje armëpushimi.
Në një intervistë me transmetuesin arab Al Jazeera, nënkryetari i Byrosë Politike të lëvizjes islamike Khalil al-Hayya argumentoi se Hamasi nga ana e tij kishte treguar fleksibilitet në negociatat - duke përfshirë uljen e numrit të të burgosurve palestinezë, lirimi i të cilëve ishte duke kërkuar dhe pranuar propozimin e paraqitur nga presidenti amerikan Joe Biden dhe i mbështetur nga Këshilli i Sigurimit i OKB-së.
Po kryeministri izraelit Benjamin Netanyahu iu përgjigj kësaj disponueshmërie me evazion dhe kushte të reja, duke përfshirë këmbënguljen për mbajtjen e ushtarëve në korridoret e Netzarim dhe Filadelfia.
Prandaj Al-Hayya theksoi se nuk do të ketë marrëveshje pa u tërhequr forcat izraelite nga këto zona.
