Një sirenë e cila njoftonte një paralajmërim rakete ra në rajonin e Kurskut. Lajmin e ka bërë të ditur ushtruesi i detyrës së guvernatorit të rajonit, Alexey Smirnov.
"Rajoni Kursk: rrezik raketash! Nëse jeni në shtëpi - duhet të strehoheni në dhoma pa dritare me mure të forta: në korridor, në banjë, në dollap. Nëse jeni në rrugë, shkoni në ndërtesa më e afërt ose një strehë", shkruan Smirnov në Telegram.
Ndërkohë mbrojtja ajrore ukrainase rrëzoi të 11 dronë të tipit Shahed të nisur nga Rusia natën 19 gushtit, njoftuan Forcat Ajrore.
Rusia raportohet se lëshoi dronët nga Rajoni i Kurskut dhe Primorsko-Akhtarsk në Territorin Krasnodar. Dronët u rrëzuan mbi rajonet Mykolaiv, Cherkasy, Vinnytsia, Kiev, Dnipropetrovsk, Kharkiv, Sumy dhe Donetsk. Forcat Ajrore paralajmëruan për kërcënimin e sulmeve me dron në disa rajone të vendit. Nuk raportohet për dëme apo viktima nga dronët e rrëzuar.
Gjatë gjithë vitit 2024, sulmet ruse në infrastrukturën kritike kanë shënjestruar gjithnjë e më shumë objektet energjetike të Ukrainës.
Forcat e armatosura ukrainase në drejtim të Kurskut po ridislokohen në një përpjekje për të nisur një sulm në një zonë të re, ndërkohë nga ana tjetër forcat ruse po monitorojnë kontrollin e situatës. Kështu tha për agjencinë e lajmeve TASS nënkryetari i Drejtorisë Kryesore Politiko-Ushtarake të Forcave të Armatosura të Federatës Ruse, komandanti i forcave speciale Akhmat, gjeneralmajor Apty Alaudinov.
"Ne e kemi situatën nën kontroll. Dje ishte një ditë shumë e vështirë, pati disa valë avancimesh nga armiku. Pjesa më e madhe e tyre u shkatërruan. Ndërkohë sot kemi informacione se ata po riorganizohen dhe po tentojnë të hyjnë nga një zonë tjetër” tha ai.
Foto: Ushtarë rus
Rusia ka humbur 600,470 ushtarë që nga fillimi i pushtimit të plotë të Ukrainës më 24 shkurt 2022, njoftoi sot Shtabi i Përgjithshëm i Forcave të Armatosura të Ukrainës. Kjo shifër përfshin 1200 viktimat e pësuara nga forcat ruse gjatë ditës së kaluar.
Sipas raportit, Rusia humbi gjithashtu 8,513 tanke, 16,495 automjete luftarake të blinduara, 23,047 automjete dhe tanke me karburant, 17,104 sisteme artilerie, 1,165 sisteme të shumëfishta lëshimi raketash, 925 sisteme të mbrojtjes ajrore, 367 avionë, 328 helikopterë, 809 anije dhe një nëndetëse.
Komente
Nuk jane 600 mije por milione , zelensky mendon se fitohet lufta duke mashtruar kot kur ne te vertete ushtaret e tij te vrare jane dhjete here me shume . Perse nuk permend numrat e ushtareve ukrainas te vrare ai apo i vjen keq per Ruset sa kane vdekur ?
PërgjigjuO Truro e di ti kush esht rusia per shqiptaret?