Presidenti turk Erdogan tha se mbështetja e Ankarasë për integritetin territorial të Ukrainës është 'e palëkundur' dhe se 'kthimi i Krimesë në Ukrainë është i mandatuar nga ligji ndërkombëtar'.
Ndërkohë Shtetet e Bashkuara janë të gatshme të lejojnë Ukrainën të lëshojë raketa me rreze të gjatë për të goditur Rusinë 'brenda pak kohësh' duke eliminuar kufizimet aktuale. Kështu shkruan gazeta e Times duke cituar burime të qeverisë britanike pas takimit në Londër mes Sekretarit Amerikan të Shtetit Antony Blinken dhe ministrit të Jashtëm britanik David Lammy, i cili mbërriti në Kiev mëngjesin e sotëm.
Gazeta i referohet si raketave Atacms të prodhuara në SHBA, ashtu edhe të prodhimit britanik 'Storm Shadows'.
Vizita e Blinken dhe Lammy në kryeqytetin ukrainas mund të jetë një mundësi për të zyrtarizuar dritën jeshile për përdorimin e sistemeve të armëve me marrëveshje të përbashkët me Londrën.
Foto: David Lammy, Antony Blinken dhe Volodymyr Zelensky
Ministri i Jashtëm britanik, David Lammy, gjatë një vizite në Kiev së bashku me Sekretarin Amerikan të Shtetit, Antony Blinken, njoftoi një paketë të re ndihme ushtarake për Ukrainën prej 600 milionë paund (mbi 700 milionë euro).
Ndërkohë qindra raketa të mbrojtjes ajrore, dhjetëra mijëra predha artilerie dhe mjete të blinduara pritet të dorëzohen deri në fund të vitit.
“Krahas Shteteve të Bashkuara, ne jemi të përkushtuar t'i japim Ukrainës atë që i nevojitet për t'i rezistuar pushtimit të paligjshëm të Rusisë”, tha Lammy.
Komente
Nese doni qe ukraina te fshihet nga harta atehere mbare e kollaj por keta qelbesira e perdoren ate vend mish per top , mallkuar qofshin maskarenjte
Përgjigju