Festivali Ndërkombëtar i Filmit në Toronto ka njoftuar pezullimin e shfaqjeve të dokumentarit të diskutueshëm ‘Rusët në Luftë’.
"Ne jemi informuar se ka kërcënime të rrezikshme për funksionimin e festivalit dhe sigurinë publike".- njoftuan organizatorët.
Organizatorët në një shënim sqarojnë se ata i referohen raporteve "që tregojnë aktivitete të mundshme në ditët në vijim që paraqesin një rrezik të konsiderueshëm".
“Ky është një vendim i paprecedentë” për festivalin, shtuan ata.
"Ne jemi të përkushtuar ta rishikojmë këtë kur të jemi të sigurt për ta bërë këtë." Regjisorja kanadezo-ruse Anastasia Trofimova prezantoi "Rusët në luftë" në Festivalin e Filmit në Venecia, pasi kaloi disa muaj në një batalion rus në frontin ukrainas, duke mbledhur dëshmi nga ushtarët.
Ishte planifikuar të jepej premierë në Amerikën e Veriut. Në Venecia si në Toronto, liderët politikë dhe kulturorë ukrainas shprehën zemërimin e tyre, duke denoncuar "propagandën ruse".
Komente
