Evropa nuk është përgjegjëse vetëm për ndihmën që i jepet Ukrainës për t'i dhënë fund luftës së saj me Rusinë, deklaroi Përfaqësuesja e Lartë e BE-së për Politikën e Jashtme, Kaja Kallas, në një intervistë me Politico. Duke iu referuar postimit të Donald Trump se Ukraina mund ta fitojë luftën me mbështetjen e BE-së, Kallas deklaroi:
"Ai ishte personi që premtoi të ndalonte vrasjet. Pra, nuk mund të bjerë gjithçka mbi ne." Amerika është aleati më i madh i NATO-s. Pra, nëse po flasim për atë që duhet të bëjë NATO, kjo do të thotë edhe atë që duhet të bëjë Amerika", shtoi ajo.
Lidhur me kërkesën e Trump që BE të ndalojë blerjen e gazit dhe naftës nga Rusia, Kallas shtoi:
"Trump ka të drejtë. Ne kemi ulur blerjet tona të naftës dhe gazit me 80%, që do të thotë se nëse të gjithë do të bënin atë që bëmë ne, efekti do të ishte shumë më i madh. Ne kemi miratuar 19 paketa sanksionesh. Nëse aleatët do t'i kopjonin ato, lufta do të përfundonte më shpejt."
Lajmi kryesor:
Vijojnë incidentet me dronët, aeroporti i Aalborgut në Danimarkë u mbyll për një orë! Në Suedi, disa pikasen pranë bazës detare të Marinës
Xh.D/ReportTv.al