Moska do të dërgojë përforcime në rajonin rus të Belgorodit, i cili ndodhet në kufi me Ukrainën. Lajmin e ka bërë të ditur ministri i Mbrojtjes ruse Andrei Belousov, raporton agjencia ruse e lajmeve Tass.
Ministri shpjegoi se Shtabi i Përgjithshëm ka përgatitur një plan veprimi për rajonin e Belgorodit, duke përfshirë përmirësimin e efikasitetit të sistemit të komandës dhe kontrollit të trupave së bashku me agjencitë e tjera të sigurisë.
Ndërkohë komandanti ushtarak i forcave të Kievit ka deklaruar se ushtria ukrainase kontrollon 82 qytete dhe 1150 km2 të rajonit rus të Kurskut.
Komento
