Asnjë armëpushim i Krishtlindjeve apo i Vitit të Ri në Ukrainë nuk është në axhendën e Rusisë, tha sot zëdhënësi i Kremlinit, Dmitry Peskov. Ndërkohë vijojnë sulmet me drone mbi Kiev. Ndërkohë Ukraina ka hedhur sot akuza tronditëse ndaj Rusisë, ku thotë se është zbuluar dhoma ku torturoheshin fëmijët.
Forcat ruse qëlluan në ndërtesën e administratës ushtarake rajonale në sheshin qendror të Hersonit, tha në Telegram më 14 dhjetor Yaroslav Yanushevich, kreu i kësaj baze.
Janë dëgjuar shpërthime në qendër të Kievit që prej orëve të para të mëngjesit të kësaj të mërkure. Lajmi u bë i ditur nga kryebashkiaku i kryeqytetit. Vitali Klitschko tha se shpërthimet tronditën rrethin qendror Shevchenkivsky dhe shërbimet e urgjencës kanë shkuar në vendngjarje.
Nga ana tjetër, guvernator i Oblastit të Kievit tha se sistemet e mbrojtjes ajrore janë në funksion.
BBC-ja raporton se u dëgjuan shpërthime të forta pak pasi u dëgjua sirena e sulmit ajror. Rusia ka shënjestruar vazhdimisht infrastrukturën energjetike të Ukrainës që nga tetori me raketa dhe drone.
Klitschko më vonë tha se mbrojtja ajrore kishte rrëzuar 10 drone Shahed të prodhuar nga Irani herët të mërkurën. Administrata ushtarake e qytetit tha se një dron kishte goditur dy ndërtesa administrative në qendër të qytetit. Nuk ka ende të dhëna për të lënduar apo viktima.
Guvernatori i Kievit Kuleba tha: "Sistemi i mbrojtjes ajrore po funksionon. Është e rëndësishme tani të qëndrojmë në strehimore dhe vende të sigurta. Rusia po vazhdon terrorin e saj energjetik kundër vendit tonë. Por ne po forcojmë çdo ditë.
Ukraina ka akuzuar Iranin se ka furnizuar Rusinë me drone "kamikaze" të përdorur në sulmet vdekjeprurëse më 17 tetor, të cilat Teherani fillimisht e mohoi. Irani më vonë pranoi se i dërgoi Moskës një numër të kufizuar dronësh shumë muaj para luftës. Në përgjigje, presidenti i Ukrainës Volodymyr Zelensky tha se kjo ishte një gënjeshtër dhe se shumë më tepër drone iranianë po përdoreshin.
Presidenti ukrainas komentoi mbi rastet e vdekjeve të atletëve ukrainas dhe thotë se Rusia është fajtore për vdekjen e tyre,
“Që nga shkurti, 184 atletë ukrainas kanë vdekur si rezultat i veprimeve të Rusisë dhe vetë Rusia përdor sportin për qëllime propagandistike”,- kështu deklaroi presidenti i Ukrainës Volodymyr Zelensky gjatë një bisede me presidentin e Komitetit Olimpik Ndërkombëtar Thomas Bach.
Zelensky gjithashtu i bëri thirrje IOC që të ndihmojë në rivendosjen e infrastrukturës sportive të Ukrainës të shkatërruar nga Rusia.
"Një përgjigje e drejtë për një shtet terrorist mund të jetë vetëm izolim i plotë në arenën ndërkombëtare, në veçanti, kjo vlen për ngjarjet sportive ndërkombëtare," shpjegoi ai.
Forcat ruse qëlluan në ndërtesën e administratës ushtarake rajonale në sheshin qendror të Hersonit, tha në Telegram më 14 dhjetor Yaroslav Yanushevich, kreu i kësaj baze.
"Rreth orës 11:00, raketa të shumta goditën qendrën. Predhat goditën ndërtesën dhe dy kate u dëmtuan”, ka shkruar ai, duke shtuar se sipas informacioneve fillestare, nuk ka viktima.
Ukraina rimarrë Hersonin nga forcat ruse muajin e kaluar. Hersoni konsiderohet si rajoni më i rëndësishëm nga katër rajonet që janë pjesërisht të pushtuara nga Rusia dhe të cilat Moska pretendon se i ka aneksuar. Kjo pasi nëpër të kalon rruga e vetme tokësore që lidhet me Gadishullin e Krimesë dhe nëpër të kalon lumin i rëndësishëm Dnjepër.
Teksa Hersoni po përballet me granatime, në lindje të Ukrainës forcat e Kievit po përballen me sulme të ashpra në rajonet e Luhanskut dhe Donjeckut.
Një dezertor rus ka “drejtuar gishtin” drejt ish-njësisë së tij, duke e akuzuar për kryerjen e krimeve të luftës në Bucha, Ukrainë, duke thënë se "ka maniakë që duan të vrasin". Nikita Chibrin ka thënë për mendjet e huaja, se shokët e tij ushtarë rusë përdhunuan dy gra ukrainase gjatë vendosjes së tyre në veriperëndim të Kievit në mars dhe u larguan sikur të mos kishin bërë krim.
"Ata përdhunuan një nënë dhe një vajzë," zbuloi ai, duke vënë në dukje se komandantët e tyre ngritën supet kur morën vesh për përdhunimet: "Ata nuk u burgosën kurrë, thjesht u larguan nga lufta, ata thjesht i thanë "shkoni".
Chibrin është një ish-ushtar nga qyteti rus i Yakutsk, i cili shërbeu në njësinë famëkeqe ushtarake të akuzuar për kryerjen e krimeve të luftës gjatë ofensivave në Bucha, Borodyanka dhe qytete dhe fshatra të tjera në veri të Kievit. Ai u largua nga ushtria ruse në shtator dhe iku në Evropë përmes Bjellorusisë dhe Kazakistanit. Kremlini ka mohuar vazhdimisht çdo përfshirje në vrasjet masive dhe në një lëvizje që ngjalli zemërim në mbarë botën, Presidenti Vladimir Putin i dha njësisë një titull nderi ushtarak dhe e përgëzoi për "heroizmin" dhe "veprat e tij të guximshme".
Pasi deklaroi anulimin e konferencës tradicionale për shtyp të fundvitit, presidenti rus Vladimir Putin anuloi edhe fjalimin për "gjendjen e kombit" që mban çdo vit përpara parlamentit. Ose kështu duket, sipas burimeve të së njëjtit parlament të cituar nga Tass, sipas të cilave presidenti do të mbajë fjalimin e tij "ndoshta në vitin e ri".
Kur u pyet për këtë, zëdhënësi i Kremlinit, Dmitry Peskov, u përgjigj: "Është e mundur" që fjalimi të mbahet në vitin 2023. Në vend të kësaj, ai përjashtoi faktin që mund të jetë në formë të shkruar
SHBA do ndihmoj Ukrainën me armë. Shtetet e Bashkuara po përgatiten të dërgojnë një paketë të re armësh në Kiev. Këtë e ka bërë të ditur zëdhënësi i Këshillit të Sigurisë Kombëtare, John Kirby.
Kryetarja e re e Komitetit Ndërkombëtar të Kryqit të Kuq, Mirjana Spoljaric, ka njoftuar qëllimin e saj për të shkuar në Moskë "kur të vijë koha" për të diskutuar me autoritetet ruse aksesin për të burgosurit e luftës.
“Qasja tek të burgosurit e luftës është një angazhim i vazhdueshëm". Ne flasim çdo ditë në nivele të ndryshme”, shtoi ajo, duke saktësuar se ka pasur kontakte personale me “homologët rusë”.
Kryqi i Kuq Ndërkombëtar është kritikuar në mënyrë të përsëritur nga presidenti ukrainas Volodymyr Zelensky, i cili e akuzon atë se nuk ka bërë mjaftueshëm për të pasur akses te ushtarët ukrainas të kapur nga forcat ruse.
Lidhur me këtë, kreu i ri i organizatës theksoi se nuk janë ata që duhet të vendosin: “Duhet të marrim garanci dhe siguri adekuate se autokolonat tona nuk goditen duke u përpjekur të arrijnë në këto objekte”ku ndodhen të arrestuarit.”
Megjithatë, Spoljariç përsëriti vendosmërinë e saj për të arritur "të gjithë të burgosurit, pavarësisht se ku ndodhen", duke iu referuar gjithashtu "të burgosurve civilë".
\
Shtetet e Bashkuara të Amerikës i janë përgjigjur kërkesës së presidentit ukrainas për krijimin e një gjykate speciale për krimet ruse.
“SHBA duan që Rusia "të paguajë për krimet" e kryera në Ukrainë dhe janë "në favor të hetimeve ndërkombëtare" që kryhen për krimet e luftës ruse. Ka disa mundësi", kështu ka thënë zëdhënësi i Këshillit të Sigurisë Kombëtare, John Kirby, lidhur me kërkesën e presidentit ukrainas Volodymyr Zelensky për krijimin e një gjykate speciale për krimet ruse.
Zëdhënësi i sigurisë kombëtare të SHBA, John Kirby ka reaguar për raportet e mediave të huaja ku thuhet se ShBA ka dërguar raketat “Patriot” në Ukrainë.
“Unë nuk mund të konfirmoj raportet e shtypit për dërgimin e Patriot në Ukrainë. Ne jemi gjithmonë transparentë në lidhje me paketat e armëve që kemi dërguar dhe do të dërgojmë në Kiev. Ne do vazhdojmë t'i japim përparësi sistemeve të mbrojtjes kundërajrore, por kjo është gjithçka që mund të them”, tha në një konferencë virtuale me shtypin, zëdhënësi i sigurisë kombëtare të SHBA-së, John Kirby.
Rajoni i Odesës u sulmua nga dronët rusë dhe sistemet e mbrojtjes ajrore u aktivizuan. Lajmi është bërë i ditur nga mediat ukrainase. Autoritetet rajonale nuk kanë komentuar ende situatën, sinjali i alarmit ajror nuk është lëshuar.
Autoritetet ukrainase kanë zbuluar një dhomë që rusët e përdornin për të mbajtur dhe torturuar fëmijët gjatë pushtimit të Khersonit. Kjo është raportuar nga Dmytro Lubinets, komisioneri për të drejtat e njeriut i Verkhovna Rada, parlamenti njëdhomësh i Ukrainës.
“Ne kemi regjistruar torturat e fëmijëve për herë të parë”, tha Lubinets. “Mendova se fundi nuk mund të thyhej pas Bucha-s, Irpin-it, por ne vërtet goditëm fundin në Kherson”.
Presidenti ukrainas, Volodymyr Zelensky, i ka kërkuar Evropës mbështetjen për krijimin e një gjykate për të gjykuar udhëheqjen ruse për "krimet" e kryera.
"Unë kërkoj nga të gjithë ju, partitë tuaja dhe shtetet që ta mbështesin këtë. Gjykata duhet të ngrihet," tha Zelensky duke folur përmes video-lidhjes në Parlamentin Evropian.
UNICEF-i tërheq gjithë vëmendjen të lufta në Ukainë dhe te sulmet e vazhdueshme ndaj infrastrukturës bazë të energjisë në Ukrainë kanë vënë në rrezik edhe fëmijët. Rreth rreth 7 milionë fëmijë janë të rrezikuar pasi janë pa ngrohje, pa energji elektrike, pa ujë të pijshëm, ndërkohë që temperaturat vazhdojnë të ulen në Ukrainë. Nga mënyrat e tjera të ngrohjes alternative që familjet kanë gjetur për të zgjidhur situatën në të cilën gjenden dhe për t’i krijuar kushte normale mbijetese fëmijëve të tyre, shumë persona nga të cilët edhe fëmijë janë helmuar si pasojë e monoksidit të karbonit.
Pa energji elektrike, fëmijët jo vetëm që përballen me të ftohtin ekstrem ku temperaturat në dimër arrijnë nën -20 gradë Celsius, por nuk janë në gjendje të ndjekin aktivitete mësimore në internet, e cila është mënyra e vetme për të mësuar sepse shkollat janë shkatërruar.
Për më tepër, objektet e kujdesit shëndetësor mund të mos jenë më në gjendje të ofrojnë shërbime bazë dhe sistemet e keqfunksionimit të ujit rrisin rrezikun tashmë jashtëzakonisht të lartë të pneumonisë, gripit sezonal, sëmundjeve të lidhura me ujin dhe Covid-19.
Asnjë ndeshje hokej mbi akull në Sheshin e Kuq të Moskës në natën e Vitit të Ri dhe asnjë mesazh për Parlamentin, do shtyhen për vitin e ardhshëm. Pas anulimit të konferencës së madhe tradicionale për shtyp të fundvitit, Vladimir Putin shtyn emërimet e tjera tradicionale në kontekstin e luftës në Ukrainë.
Fjalimi i fundit i Putinit në Parlament ishte në prill të vitit 2021, por nuk do të bëhet në vitin 2022, edhe nëse Kushtetuta ruse kërkon që ai të mbahet një herë në vit.
Ekspozita e hokejit në akull është anuluar gjithashtu.
“Jo, nuk është planifikuar për këtë vit”, tha zëdhënësi i Kremlinit Dmitry Peskov i pyetur nëse Putin do të merrte pjesë në ndeshjen që liga e hokejve organizon natën e Vitit të Ri.
Autoritetet ukrainase kanë vlerësuar numrin e procedimeve penale të hapura në lidhje me krimet e kryera nga Rusia që nga fillimi i luftës. Janë mbi 48,000, 36,870 prej të cilave, specifikoi Ministria e Brendshme, korrespondojnë me "shkelje të ligjeve dhe normave të luftës", ndërsa 9128 lidhen me “veprime kundër integritetit territorial dhe paprekshmërisë së Ukrainës”, të përfshira në nenet 438 dhe 110 të kodit penal të vendit. Ministria saktësoi se janë hapur edhe 2187 procedime për “veprimtari bashkëpunimi”, 100 për akte “tradhtie” dhe 37 për akte “përmbysjeje”.
13 dronët e prodhuar nga Irani të nisur nga Rusia në kryeqytetin Kiev këtë mëngjes u rrëzuan të gjithë nga forcat e mbrojtjes ajrore të Ukrainës. Lajmi u bë i ditur nga presidenti i Ukrainas Volodymyr Zelensky gjatë një video-mesazhi mëngjesin e sotëm.
Zelensky tha se ishte krenar që të 13 dronët e lëshuar nga armiku u rrëzuan nga mbrojtja ajrore e Ukrainës dhe u kujtoi qytetarëve që të vazhdojnë t'u kushtojnë vëmendje alarmeve.
Asnjë armëpushim i Krishtlindjeve apo i Vitit të Ri në Ukrainë nuk është në axhendën e Rusisë, tha sot zëdhënësi i Kremlinit, Dmitry Peskov, raporton Tass.
“Putin dështoi të realizojë planet e tij”. Kështu deklaroi kancelari gjerman, Olaf Scholz , duke folur paraditen e sotme në Bundestag.
Kancelari gjerman përsëriti se presidenti rus "ka kryer një llogaritje të gabuar themelore".
"Ai mendoi se mund ta mbaronte solidaritetin evropian duke mbyllur rubinetat tona të gazit. Ai e kishte gabim për guximin e burrave dhe grave ukrainase, për Evropën, për ne, për karakterin e demokracive tona, për gatishmërinë tonë për t'u ngritur kundër mashtrimit të fuqive të mëdha dhe imperializmit. Kjo është historia e vërtetë e këtij viti 2022, Ukraina po i reziston agresionit rus, por edhe Perëndimi e ka pranuar sfidën”, ka thënë Scholz gjatë fjalës së tij .
Presidenti i Franës Emmanul Macron, me një postim në Twitter, i ka bërë thirrje Rusisë që të ndalë sulmet ndaj civilëve ukrainas dhe infrastrukturës.
"Lufta e Rusisë në Ukrainë ka shkaktuar shumë vuajtje. Së bashku me Kamboxhian, ne i bëjmë thirrje Rusisë që të ndalojë menjëherë bombardimet dhe sulmet e saj kundër popullsisë civile dhe infrastrukturës. Partnerët ndërkombëtarë, bashkohen me ne në këtë thirrje.", shkruan Macron në postimin e tij.
Komente
Lufta eshte vendi ku shiten armet dhe njekohesisht testohen ato te rejat , keto vendet e vetequajtura demokratike jane hipokrita dhe vrases pa shpirt . Nuk u intereson as Ukraina dhe as populli saj por vetem interesat gjeopolitike te tyre
PërgjigjuJu doni paqe nderkohe dergoni armatim te rende nga e gjithe bota qe bie ne kundershtim me ate qe thoni , prandaj nese doni vertet paqe i ulni te dyja palet ta zgjidhin kete konflikt se po shkaterrohet nje popull dhe ekonomia ka shuar ne zero per gjithe njerezit e varfer
PërgjigjuO Turo, sipas teje duhet ta shesim lirin dhe sovranitetin e popullit Ukrainas sepse do suma jote??