Lufta në Ukrainë është në ditën e 293-të. Presidenti rus Vladimir Putin ka vendosur të anulojë konferencën për shtyp të fundvitit. Ministri ukrainas i Mbrojtjes Oleksiy Reznikov tha se ushtria do të rifillojë ofensivën në shkallë të gjerë kur toka të jetë e ngrirë.
Rreth 1 miliardë euro janë mbledhur për të mbështetur Ukrainën në konferencën e donatorëve të thirrur nga presidenti francez Emmanuel Macron. Në një video-mesazh, presidenti ukrainas Volodymyr Zelensky u shpreh se i duhen 800 milionë euro për asistencë energjie që populli ukrainas të mund të përballojë dimrin teksa vijojnë sulmet nga forcat ruse dhe mbeten vazhdimisht pa energji elektrike. Po ashtu thekson se kanë nevojë urgjente për gjeneratorë dhe transportues të blinduar.
Ndërkohë Agjencia Ndërkombëtare e Energjisë Atomike (IAEA) do të dërgojë misione sigurie në të gjitha termocentralet bërthamore të Ukrainës. Kështu bëri të ditur drejtori i përgjithshëm i IAEA, Rafael Grossi, pas një takimi me kryeministrin ukrainas, Denys Shmyhal.
Nga ana tjetër, Presidenti rus Vladimir Putin do të zhvillojë bisedime dypalëshe me homologun e tij kinez Xi Jingping. Këto bisedime pritet të zhvillohen në fund të vitit. Zëdhënësi i Kremlinit Dmitry Peskov tha për shtypin rus këtë mëngjes se axhenda dhe përmbajtja e shkëmbimit janë përcaktuar.
Në periferi të Melitopolit, qyteti strategjik në rajonin e Zaporizhzhias që është pushtuar nga rusët që nga marsi, u dëmtua një urë, e përdorur nga rusët për të transportuar pajisje ushtarake për trupat në zonat e pushtuara. Ura nuk u shemb por shtrati i rrugës u fundos. Lajmi vjen nga burime ukrainase dhe ruse. Sipas agjencisë ruse të lajmeve, Ria Novosti, ura u minua nga "diversantët ukrainas".
“Qëllimi kryesor i terroristëve është të ndërpresin furnizimin me mallra jetike, ushqime, ilaçe dhe materiale ndërtimi në territoret e çliruara të rajoneve Zaporozhzhya dhe Kherson”, tha Vladimir Rogov, kryetar i lëvizjes “Ne jemi së bashku me Rusinë”.
Administrata e presidentit amerikan Biden po finalizon një plan për të dërguar raketa të mbrojtjes ajrore Patriot në Ukrainë. Kjo u raportua nga CNN, duke shtuar se lëvizja mund të shpallet këtë javë, sipas tre drejtuesve amerikanë, duke përfshirë një nga administrata. Ukraina i ka kërkuar Shteteve të Bashkuara të dërgojnë sistemin e avancuar të mbrojtjes ajrore me rreze të gjatë, shumë efektiv në përgjimin e raketave balistike dhe të lundrimit, ndërsa përballet me valën e sulmeve me raketa ruse dhe sulmeve me dron që shkatërruan infrastrukturën kryesore në të gjithë vendin.
Parlamenti ukrainas ka miratuar një ligj për pakicat kombëtare, një kërkesë kyçe për anëtarësimin e vendit në BE, siç raportohet nga mediat e huaj.
“Një total prej 324 anëtarësh të parlamentit votuan në favor të shfuqizimit të një projektligji të vjetër dhe miratimit të një të ri”, tha deputeti ukrainas Yaroslav Zhelezniak në Telegram.
Projektligji është krijuar për të përmirësuar mbrojtjen e të drejtave të pakicave kombëtare, duke përfshirë të drejtat për identifikim, përdorimin e gjuhës, arsimin, pjesëmarrjen në jetën politike, ekonomike, sociale dhe kulturore.
“Votova për të gjitha ligjet e nevojshme që na hapin rrugën për t'u bashkuar me BE. Ne presim vendime pozitive për Ukrainën. Ukraina është Evropa”, tha Oleksandr Korniyenko, nënkryetari i parë i parlamentit ukrainas
Janë penguar 3000 përpjekje për të importuar në territorin letonez mallra që i nënshtrohen sanksioneve evropiane që nga fillimi i luftës në Ukrainë. Shumica e tyre janë produkte pyjore. Nga ana tjetër, ka më pak përpjekje për të eksportuar mallra të sanksionuara - përgjithësisht produkte luksoze - në Rusi.
Numri i helmimeve nga monoksidi i karbonit është në rritje në Ukrainë për shkak se familjet janë të detyruara të përdorin gjeneratorë dhe soba me dru për ngrohje pas ndërprerjeve të shkaktuara nga bombardimet ruse.
“Vetëm në muajin nëntor janë helmuar 368 persona, mes tyre 92 fëmijë”, denoncoi zëdhënësi i Avokatit të Popullit, Oleksandr Khorushnyi, duke saktësuar se kanë vdekur 20.
Në javën e parë të dhjetorit janë shënuar 97 raste helmimi, nga të cilat 25 fëmijë dhe 15 persona të vdekur të vdekur.
"Lufta në Ukrainë" u zhduk nga tendencat në Twitter për shkak të reduktimit të postimeve që kanë në thelb mbulimin e agresionit rus. Përdoruesit nuk lejohen të regjistrohen ose të hyjnë në llogari me një numër telefoni ukrainas.
Elon Musk a do ta shohim ndonjëherë “Twitter files” në vjeshtë/dimër 2022?-pyet Këshilltari Presidencial i Ukrainës, Mikhailo Podolyak
Ekonomia e Ukrainës mund të tkurret me 50% këtë vit nëse Rusia vazhdon të sulmojë rrjetin kombëtar të energjisë elektrike të vendit dhe infrastrukturën tjetër kritike. Kështu ka deklaruar kryeministri ukrainas, Denys Shmyhal, siç raporton Interfax.
"Nëse aktivitetet terroriste të Rusisë kundër infrastrukturës sonë vazhdojnë, ne mund të humbasim edhe 10% të këtyre shifrave, ose deri në 50% të PBB-së sonë. Të gjithë sektorët e ekonomisë janë prekur”, tha kryeministri ukrainas Shmyhal, duke shtuar se qeveria ukrainase vlerësoi se dëmi i shkaktuar nga lufta "mund të arrijë në 700 miliardë dollarë deri në fund të vitit
Administrata e presidentit amerikan Biden po finalizon një plan për të dërguar raketa të mbrojtjes ajrore Patriot në Ukrainë. Kjo u raportua nga CNN, duke shtuar se lëvizja mund të shpallet këtë javë, sipas tre drejtuesve amerikanë, duke përfshirë një nga administrata. Ukraina i ka kërkuar Shteteve të Bashkuara të dërgojnë sistemin e avancuar të mbrojtjes ajrore me rreze të gjatë, shumë efektiv në përgjimin e raketave balistike dhe të lundrimit, ndërsa përballet me valën e sulmeve me raketa ruse dhe sulmeve me dron që shkatërruan infrastrukturën kryesore në të gjithë vendin.
Do të ishte sistemi më efektiv i armëve mbrojtëse me rreze të gjatë i dërguar në Kiev dhe zyrtarët amerikanë të pyetur nga CNN thonë se do të ndihmojë në mbrojtjen e hapësirës ajrore të vendeve të NATO-s në Evropën Lindore. Është e paqartë se sa lëshues do të dërgohen. Pasi të finalizohen planet, Patriotët pritet të dërgohen shpejt në ditët e ardhshme dhe ukrainasit të trajnohen për t'i përdorur ato në një bazë të ushtrisë amerikane në Grafenëoehr, Gjermani, sipas zyrtarëve amerikanë.
Ukraina ka kërkuar sistemin Patriot për muaj të tërë, por sfidat logjistike për ofrimin dhe funksionimin e tij janë të mëdha. Pavarësisht këtyre pengesave, "realiteti i asaj që po ndodh në terren" e bëri administratën të merrte vendimin për të dërguar, tha zyrtari i lartë i administratës, duke vënë në dukje sulmet e vazhdueshme intensive me raketa ruse.
Ministri i Jashtëm Ukrainës, Dmyro Kuleba ka reaguar në lidhje me ofensivën ruse duke thënë se mund të nisë në fund të janarit ose në fillim të shkurtit, por shfaqet i bindur se nuk do të ketë sukses
"Natyrisht, ne po bëjmë gjithçka që është e mundur për të shmangur atë, por duke marrë parasysh mobilizimin, rekrutimin dhe stërvitjen e paralajmëruar të rekrutëve të rinj, lëvizjen e armëve të tyre të rënda nëpër vend, ata padyshim ruajnë shpresën për të mundur të depërtojnë linjat tona të mbrojtjes dhe të depërtojnë më tej në Ukrainë. Jam i bindur plotësisht se nuk do të kenë sukses," vuri në dukje ai.
Një shpërthim është dëgjuar në qendër të Melitopol, një qytet në juglindje të Ukrainës nën kontrollin rus. Kjo u raportua nga kryetari Ivan Fedorov, i cili u largua nga qyteti pas instalimit të një administrate pro-ruse, sipas së cilës shpërthimi ndodhi pranë shkollës së shahut. Autoritetet ruse më pas bllokuan rrugët dhe disa dëshmitarë raportuan të paktën një viktimë. Më herët forcat ukrainase kishin goditur një urë kyçe jashtë Melitopolit, e cila kalon lumin Molochna.
Donatorët ndërkombëtarë që u mblodhën të martën në një konferencë të organizuar nga Franca për të ndihmuar Ukrainën kanë mbledhur 1 miliard euro për të ndihmuar popullin ukrainas që të kalojë stinën e dimrit.
Presidenti francez Emmanuel Macron u shpreh se qëllimi i konferencës është që të ndihmohet populli ukrainas për të kaluar stinën e dimrit. Ndërsa Zelensky përmes një lidhje telefonike tha se vendit të tij i duhen gjeneratorë energjie. Shuma që kërkonte për asistencë energjie ishte 800 milionë euro.
"Mund t'ju them se ndihma për Ukrainën i kalon 800 milionë eurot për të cilat Zelensky fliste këtë mëngjes. Jam i lumtur që mund t'ju njoftoj se e kemi tejkaluar këtë shifër dhe jemi rreth një miliard euro", njoftoi ministrja e jashtme franceze Catherine Colonna, në fund të konferencës për Ukrainën në Paris.
Kremlini beson se propozimet e presidentit ukrainas Volodymyr Zelensky, të paraqitura si "hapa drejt paqes", synojnë në fakt vazhdimin e armiqësive.
"Këto tre hapa do të çojnë në përplasje të reja, tha zëdhënësi presidencial rus Dmitry Peskov për mediat , siç raportohet nga Tass . Komenti i tij pasoi deklaratën e Zelensky se hapat drejt paqes në Ukrainë duhet të përfshijnë më shumë furnizime me armë për Kievin .
Agjencia Ndërkombëtare e Energjisë Atomike (IAEA) do të dërgojë misione sigurie në të gjitha termocentralet bërthamore të Ukrainës. Kështu ka bërë të ditur drejtori i përgjithshëm i IAEA, Rafael Grossi, pas një takimi me kryeministrin ukrainas, Denys Shmyhal.
"Takim i shkëlqyer me kryeministrin ukrainas përpara konferencës 'Solidaires du peuple ukranien'. Ne kemi rënë dakord të dërgojmë misione sigurie të IAEA në të gjitha termocentralet bërthamore të Ukrainës. Puna vazhdon për krijimin e zonës mbrojtëse të termocentralit bërthamor Zaporizhzhia", shkroi Grossi në Twitter.
Presidenti i Këshillit Evropian, Charles Michel, u bëri thirrje udhëheqësve të Bashkimit Evropian që të "garantojnë" se "mbështetja ushtarake dhe financiare për Ukrainën" do të jetë e kohëzgjatjes së kërkuar në samitin e së enjtes në Bruksel.
Seanca do të zgjasë një ditë. Do t'i paraprijë nesër të mërkurën takimi i 27 krerëve të shteteve dhe qeverive me homologët e tyre nga Asociacioni i Kombeve të Azisë Juglindore (ASEAN).
Charles Michel bëri thirrje të hënën, në ftesën e tij drejtuar liderëve, që të merren vendime për të siguruar që ndihma t'u jepet miliona civilëve ukrainas që janë pa energji elektrike, ngrohje dhe ujë të rrjedhshëm në Ukrainë mes fillimit të reshjeve të borës dhe rënies së temperaturave nën zero.
"Përtej nevojave imediate të vendit, një dialog i thelluar është gjithashtu i nevojshëm se si të garantohet kohëzgjatja afatgjatë e mbështetjes sonë ushtarake dhe ekonomike për Ukrainën," shtoi ai.
Bashkimi Evropian është zotuar t'i japë Kievit 18 miliardë euro ndihmë makroekonomike në vitin 2023. Marrëveshja për detajet e kësaj mbështetjeje, e cila pritet të marrë formën e kredive pa interes, mbetet për t'u finalizuar.
Udhëheqësve të BE-së u kërkohet gjithashtu të sigurojnë burime furnizimi me energji për të përballuar "sfidat e dimrit të ardhshëm", këmbënguli ish-kryeministri belg. Rusia mund të ndërpresë furnizimin me gaz për vendet anëtare të BE-së dhe mund të ketë një mungesë prej 30 miliardë metrash kub, paralajmëruan të hënën presidentja e Komisionit Evropian
“Perspektivat e zhvillimit tonë të ardhshëm nuk varen vetëm nga potenciali ynë për të menaxhuar goditjen energjetike në afat të shkurtër, por edhe nga aftësia e industrive tona për të mbetur konkurruese, aftësia jonë për të inovuar dhe investuar në teknologjitë e së nesërmes”, tha Michel.
"Gjëja e parë që dëgjova ishin zhurma të çuditshme të ngjashme me shpërthimet. Mendimi im i parë ishte se ndoshta ishte një fishekzjarrë. Nuk doni ta besoni se ka filluar, por më pas e kuptoni shumë shpejt". Me këto fjalë Olena Zelenska tha për fillimi i luftës, shenjat e para të konfliktit në natën e 23-24 shkurtit.
Duke folur për “Bfmtv”, gruaja e presidentit ukrainas , sot në Paris për të marrë pjesë në konferencën ndërkombëtare të 'solidaritetit' tha se e pa burrin e saj të veshur me veshjen për një fjalim zyrtar për herë të fundit.
"Më tha vetëm një gjë: "filloi". Dhe gjithçka u qartësua menjëherë", tha Zelenska.
Presidenti francez Emmanuel Macron hapi konferencën ndërkombëtare për ndihmën për Ukrainën në Paris duke deklaruar se qëllimi është të arrihen rezultate shumë konkrete për të lejuar popullsinë ukrainase të rezistojë gjatë dimrit.
Presidenti rus Vladimir Putin dhe udhëheqësi kinez Xi Jinping do të zhvillojnë bisedime për të diskutuar ngjarjet e vitit 2022 në fund të dhjetorit, raportoi të martën gazeta ruse “Vedomostire”.
Dmitry Peskov, zëdhënës i Kremlinit, i tha gazetës se data dhe agjenda e takimit tashmë dihen, por një njoftim zyrtar do të vijë më vonë.
Gazeta, duke cituar një burim të paidentifikuar pranë administratës presidenciale ruse, tha se takimi nuk ka gjasa të zhvillohet ballë për ballë. “Detajet janë duke u përpunuar”, tha burimi për Vedomosti. Rusia është afruar më shumë me Kinën që kur dërgoi ushtrinë e saj në Ukrainë në shkurt.
Presidenti ukrainas Volodymyr Zelensky, gjatë një interviste me David Letterman në emisionin e tij në Netflix, i është përgjigjur pa mëdyshje prezantuesit i cili e pyeti nëse lufta do të kishte vazhduar në rast të vdekjes së presidentit rus. Lideri ukrainas tha se nëse Putin do të vdiste, lufta do të kishte marrë fund.
Ky është momenti kur forcat ukrainase shkatërruan një tank T-73 rus, në një duel tankesh.
Pamjet ajrore tregojnë një T-64 ukrainas që rrotullohet në një rrugë përpara se të hapë zjarr dhe duket se godet një kundërshtar rus.
Publikimi i pamjeve vjen ndërsa forcat ruse po godasin objektivat në Ukrainën lindore dhe jugore me raketa, drone dhe artileri.
Komente
Me mire me ata sesa me keta legenat qe kane 30 vjet qe na trajtojne si skllever neper vendet e zhvilluara apo nuk i shikoni se cfare na bejne , na ndjekin kur ju do qejfi na grisun dokumentat e tj etj apo nuk jane te verteta ? Nuk ka demokraci as andej e as ketej ka thjesht interes ekonomik , ne i provuam perendimoret dhe vendi u shkretua ska ngel njeri nga varferia keshtu qe me mire maredhenie me palen tjeter
PërgjigjuDy idolët e zemrës së Edvin shkjaut shqipfolës, Putin dhe Xi Jinpin-uini
PërgjigjuFinancuesit e PD të usta GRGES macja e zezë maqoku i zi