Një avion luftarak ukrainas ka goditur për herë të parë në një objektiv brenda Rusisë, ka thënë një burim ushtarak ukrainas për Sky News.
Sipas këtij burimi, një “nyje komanduese ruse” u sulmua zonën e Belgorodit, në Rusinë perëndimore, afër kufirit me Ukrainën verilindore.
Akoma nuk është e qartë se çfarë lloj municioni është përdorur në bastisje apo nëse ishte një armë perëndimore, ka shtuar ai - megjithëse vlerësimi i dëmit është në vazhdim, konfirmohet se ishte një goditje e drejtpërdrejtë.
Rajoni i Donetskut aktualisht përfaqëson situatën "më të vështirë" në front, ku Forcat e Mbrojtjes së Ukrainës po bëjnë gjithçka për të stabilizuar dhe mbrojtur pozicionet e tyre’, shkruan Presidentit ukrainas Volodymyr Zelensky sot në Telegram.
“Në rajonin e Kharkiv veprimet tona kundërsulmuese vazhdojnë. Ne mund të shohim se çfarë hapash po planifikon armiku dhe çfarë lloj riorganizimi po zbaton. Ne do të përgjigjemi. Grupet ruse vazhdojnë të jenë aktive. Ata janë shkatërruar. Dhe do të vazhdojnë të shkatërrohen", shkruan ai.
Nga ana tjetër, Presidneti Zelensky ka hedhur poshtë pretendimet e kreut të Republikës Çeçene Ramzan Kadyrov, i cili tha dje (9 qershor) se forcat ruse kishin marrë kontrollin e një fshati të UKrainës.
“Sa i përket fshatit Ryzhivka, okupatori tentoi të kryejë një operacion propagandistik. Që nga mëngjesi i sotëm, flamuri rus në këtë fshat është shkatërruar dhe nuk ka prezencë të okupatorëve”, shkruan ai në Telegram.
