Presidenti i serbisë Aleksandër Vuçiç, në një video të publikuar në rrjete sociale sa i përket bisedimeve me të dërguarin e SHBA-ve Gabriel Escobar dhe Lajçak.
Vuçiç tha se bisedimet me Escobarin dhe Lajçakun, ku morën pjesë ambasadorët e SHBA-së dhe BE-së në Serbi, Christopher Hill dhe Emmanuel Giofre, do të vijojnë edhe sot (26 gusht).
“Unë besoj në një zgjidhje kompromisi, asgjë nuk është e sigurt. Ne do të vazhdojmë bisedimet, besoj se në ditët në vijim do të mund të arrijmë një zgjidhje kompromisi, të paktën për një pjesë të vogël, pasi është e qartë se një zgjidhje e tillë nuk mund të arrihet fare për tavolinat dhe disa çështje madhore”, tha Vuçiç pas takimit me Miroslav Lajçak dhe Gabriel Escobar.
Presidenti serb, pas pjesës së dytë të bisedës me të dërguarin special të BE-së Miroslav Lajçak dhe të dërguarin e SHBA-së për Ballkanin Perëndimor, Gabriel Escobar, e cila përfundoi 15 minuta pas mesnate, tha se asgjë nuk është e sigurt edhe për atë që ai shpreson dhe se shumë nevojiten garanci dhe shumë më tepër punë.
Më 31 korrik grupe qytetarësh serbë bllokuan rrugët kryesore për të penguar zbatimin e vendimit të qeverisë qendrore në Prishtinë që dokumentet e identifikimit dhe targat e makinave të lëshuara nga Serbia, të mos vlejnë në territorin e Kosovës, një veprim që zbatohet nga Beogradi për qytetarët e Kosovës që udhëtojnë nëpër Serbi tash e dhjetë vjet me radhë.
Qeveria e Kosovës vendosi me kërkesën amerikane të shtyjë zbatime vendimeve deri më 1 shtator deri kur ka mbetur edhe një javë kohë për gjetjen e një zgjidhjeje politike.
