Ushtarët koreano-veriorë në Rusi
Inteligjenca ushtarake ukrainase ka njoftuar se më shumë se 7,000 ushtarë të Koresë së Veriut janë pajisur me armatime ruse dhe po transportohen në zonat afër Ukrainës.
Agjencia e inteligjencës brenda Ministrisë së Mbrotjes ukrainase, thotë se trupat e Koresë së Veriut janë trajnuar për të luftuar përkrah Moskës kundër Kievit.
Së fundmi, ministrja e Jashtme e Koresë së Veriut, Choe Son-Hui, u prit në Moskë nga homologu rus, Sergei Lavrov.
Ajo tha se vendi i saj do të qëndrojë përkrah Rusisë deri në “fitoren” në Ukrainë, ndërsa Lavrov pretendoi një lidhje të ngushtë mes ushtrisë së Moskës dhe asaj të Phenianit.
Sipas mediave ndërkombëtare, Korea e Veriut ka dërguar 10-12 mijë ushtarë në Rusi, numër i pakonfirmuar zyrtarisht nga palët.
Lajmi kryesor:
Lufta në Ukrainë/ Kievi: 7 mijë ushtarë të Koresë së Veriut po vijnë drejt territorit tonë
K.M/ReportTv.al