Presidenti i Shteteve të Bashkuara, Donald Trump, ka prezantuar një plan për të "pastruar" Gazën dhe shtoi se dëshiron që Egjipti dhe Jordania të strehojnë palestinezët nga territoret, në përpjekje për të arritur paqen në Lindjen e Mesme.
“Po flasim për një milion e gjysmë njerëz, dhe ne do ta pastrojmë të gjithën,” tha Trump për gazetarët, duke e përshkruar Gazën si një “kantier shkatërrimi” dhe duke deklaruar se kjo lëvizje mund të jetë "e përkohshme ose afatgjatë."
“Shumë gjëra që janë porositur dhe paguar nga Izraeli, por që nuk janë dërguar nga administrata Biden, tani po mbërrijnë!” Shkruan Donald Trump në platformën e tij, Truth.
Disa media raportojnë se presidenti ka urdhëruar Pentagonin të heqë bllokadën e vendosur nga administrata Biden për furnizimin e Izraelit me bomba prej 2.000 paundësh (rreth 900 kg).
Trump po mbush Agjencinë për Mbrojtjen e Mjedisit (EPA) me zyrtarë që më parë kanë punuar si avokatë dhe lobistë për industrinë e naftës dhe kimikateve, shumë prej të cilëve gjatë administratës së tij të parë punuan për të dobësuar mbrojtjen ndaj klimës dhe ndotjes, shkruan Neë York Times.
Lee Zeldin, i zgjedhur nga presidenti për të drejtuar EPA-n, ka pak përvojë në politikat mjedisore.
“Pritet që ai të fillojë menjëherë punën për të zbatuar urdhrat e shumtë të Trump për të shkurtuar aktet normative,” shkruan NYT.
Ndër kandidatët kryesorë për EPA janë David Fotouhi, i cili do të jetë zëvendësi i Zeldin dhe ka kundërshtuar së fundmi ndalimin e asbestit; Alex Dominguez, një ish-lobist për industrinë e naftës që do të punojë mbi emetimet e makinave; dhe Aaron Szabo, një lobist si për industrinë e naftës ashtu edhe për atë kimike, i cili pritet të jetë rregullatori kryesor për ndotjen e ajrit.
Zyra e EPA që vlerëson sigurinë e substancave të reja kimike tani përfshin Nancy Beck, një lobiste prej shumë vitesh e industrisë kimike, dhe Lynn Ann Dekleva, e cila ka punuar për American Chemistry Council, një grup tregtar. Të dyja kanë përvojë nga mandati i parë i Trump.
Trump: Mund të konsideroj rikthimin në OBSH
Donald Trump ka njoftuar në Las Vegas se mund të marrë në konsideratë rikthimin në Organizatën Botërore të Shëndetësisë (OBSH), disa ditë pasi kishte urdhëruar largimin e Shteteve të Bashkuara nga agjencia globale shëndetësore, duke e përshkruar atë si të paaftë në menaxhimin e pandemisë së Covid-19 dhe krizave të tjera ndërkombëtare shëndetësore.
“Ndoshta do ta konsideronim këtë përsëri, nuk e di. Ndoshta do ta bënim. Ata duhet të pastrojnë gjithçka,” tha Trump gjatë një mitingu.
Shtetet e Bashkuara pritet të largohen nga OBSH më 22 janar 2026. Aktualisht, SHBA është donatori më i madh i OBSH-së, duke kontribuar rreth 18% të buxhetit të saj të përgjithshëm. Buxheti më i fundit dyvjeçar i OBSH-së për 2024-2025 është 6,8 miliardë dollarë. Trump u tha të pranishmëve në Las Vegas se nuk është i kënaqur me faktin që SHBA paguan më shumë para në OBSH sesa Kina, e cila ka një popullsi shumë më të madhe. /ANSA/
Komente
Ja si do e shpergulin palistanezet nga trojet e veta hajde plan hajde kurr nuk ka pertu kther mo aty do vendosed izralitet
PërgjigjuMire se vini nazista
PërgjigjuHitleri na doli socialist or teeeejjjjj