Kievi- Presidenti ukrainas Volodymyr Zelensky ka njoftuar se ka përfunduar "90% planin e tij për fitore", të cilin do t'ua prezantojë aleatëve javën e ardhshme, duke filluar me Joe Biden, në prag të Asamblesë së Përgjithshme të OKB-së në Nju Jork, shkruan sot "La Repubblica".
Kievi njoftoi këtë mëngjes se ushtria arriti të depërtonte në Kursk në një pikë tjetër. Sipas “Wall Street Journal”, që nga vitii 2022 llogaritet se ka pasur 1 milion vdekje totale në konflikt.
“Numri i ukrainasve dhe rusëve të vrarë ose të plagosur në luftën dyvjeçare e gjysmë ka arritur në rreth një milion njerëz”, shkruan media amerikane, duke theksuar se përcaktimi i numrit të saktë të të vdekurve dhe të plagosurve në konflikt ka qenë i vështirë, me Rusinë dhe Ukrainën që refuzojnë të publikojnë vlerësime zyrtare ose, nganjëherë, duke publikuar shifra që janë dukshëm të pasakta.
Ministri i Jashtëm rus Sergey Lavrov dhe homologu i tij koreano-verior Choi Song Hui do të takohen sot (17 Shtator) në Rusi, këtë e bëri të ditur zëdhënësja diplomatike e Moskës, Maria Zakharova, cituar nga Tass.
Kurse Kryetari i Dumës, dhoma e ulët e Parlamentit rus, Viacheslav Volodin, siguroi se Moska është e gatshme t'i përgjigjet përdorimit të raketave me rreze të gjatë veprimi nga Ukraina kundër territorit të saj.
"Këto diskutime mund të kenë pasoja katastrofike. Ata po flasin për të sulmuar qytetet tona dhe po diskutojnë duke menduar se kjo nuk do t'i ndikojë ata. Nuk është kështu. Ne do të përgjigjemi. Ne kemi me çfarë të përgjigjemi. Armët më të fuqishme tashmë janë gati”, tha Volodin, cituar nga agjencia Tass.
FSB (shërbimi sekret rus) mori përgjegjësinë për vrasjen e një oficeri të inteligjencës ushtarake ukrainase, i dyshuar se kishte komplotuar për të vrarë menaxherin e lartë të një kompanie në kompleksin ushtarak-industrial rus. FSB-ja tha se e vrau 40-vjeçarin në një përleshje zjarri, pikërisht teksa ai po përpiqej ta vendoste pajisjen në një ruajtje dhe u përpoq të rezistonte në një vend të pyllëzuar.
