Më shumë se 300 kanë humbur jetën si pasojë e përmbytjeve pas daljes nga shtrati të lumit Kongo, në Afrikën Qendrore.
Nivelet e lumenjve janë rritur në nivelin më të lartë në më shumë se 60 vjet, duke shkaktuar përmbytje në Republikën Demokratike të Kongos dhe Kongo duke shkaktuar qindra viktima gjatë muajve të fundit, raporton Reuters.
Planifikimi i dobët urban i kombinuar me infrastrukturën e dobët dhe joadekuate i bën disa vende afrikane të prekshme ndaj përmbytjeve të shpejta pas shirave të dendur, të cilat janë bërë më të shpeshta për shkak të ndryshimeve klimatike.
Gati 300,000 familje janë prekur, me dhjetëra mijëra shtëpi të shkatërruara. Shumë rrethe në Kinshasa në Republikën Demokratike të Kongos janë përmbytur, ashtu si edhe komunitetet në të paktën 12 provinca.
Në Kongo fqinje, të paktën 17 njerëz kanë vdekur nga përmbytjet në tetë rajone, duke përfshirë kryeqytetin, me më shumë se 60,000 familje të prekura, thanë autoritetet për Reuters.
