Kronikë

Lushnjë/ Aksident në bulevardin e qytetit, makina përplas të moshuarin kur po kalonte rrugën! Policia ndalon shoferen, 75-vjeçari rëndë në spital (VIDEO)

10 Dhjetor 2024, 18:09| Përditesimi: 10 Dhjetor 2024, 18:27

  • Share

Lushnjë- Një i moshuar rreth 75 vjeç është përplasur nga një automjet mbrëmjen e sotme (10 Dhjetor) në bulevardin kryesor të Lushnjës.

Automjeti me targa AB906HC, i markës “Toyota”, i drejtuar nga një 30-vjeçare, ka përplasur të moshuarin i cili kalonte nga njëra anë e rrugës, në tjetrën.

Gazetari i Report TV, Yrjet Saliasi, përcjell pamjet e aksidentit dhe informon se i moshuari është transportuar me urgjencë në spitalin e Lushnjës dhe ndodhet në gjendje të rëndë shëndetësore, por nën kujdesin e mjekëve.

Policia shkoi në vendngjarje dhe po dokumenton rrethanat e aksidentit, kurse policia shkencore po kryen procedurat për zbardhjen e shkaqeve. Drejtuesja e mjetit është ndaluar nga uniformat blu. Policia po kujdeset për trafikun e rënduar në këtë zonë pranë qendrës së qytetit.

A.Q/r.k./ReportTv.al
Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?