Lushnjë- Po tentonin të grabisnin një firmë ndërtimi gjatë orëve të natës dhe brenda kantierit të saj, kapen në flagrancë dy vëllezërit e dyshuar.
Burime zyrtare nga Policia e Lushnjës bënë me dije se në pranga ranë Gramoz Canka dhe Julian Canka, banues në këtë qytet.
“Shërbimet e Patrullës së Përgjithshme, mbrëmjen e djeshme, gjatë patrullimit në territor, në lagjen "18 Tetori", kanë konstatuar 2 shtetas që po tentonin të vidhnin karburant dhe pajisje, në ambientet e një firme ndërtimi. Është ndërhyrë menjëherë dhe u arrestuan autorët e dyshuar, G. C., 54 vjeç dhe J. C., 40 vjeç, banues në Lushnjë (vëllezër)”, tha policia vendore.
Mjetet që po vidhnin u bllokuan për veprime, kurse materialet procedurale i kaluan Prokurorisë Fier për hetime të mëtejshme.
Komente
